אן  היסטארישע אסיפה איז די וואך פארגעקומען אין מאנסי בבית הרבני הנגיד ר' ישראל שיפף הי''ו  ראש הקהל דקהל יטב לב מאנסי וועלכע האט פארופן די דרינגענדע אסיפה מיט די באטייליגונג פון רבנים וראשי העדה פון די גרעסטע חסידישע קהילות אין ניו יארק לטובת מוסד עושה חיל תחת נשיאות הרה"צ ר' יואל יחיאל וואגשאל שליט''א וואס שטלעט צו פינאנציעלע שטיצע און סטאביליטעט פאר חולי ישראל מיט די ביטערע מחלה ל''ע.

ביי די אסיפה האט מען ארומגערעדט איבער מהלכים וויאזוי זיכער צו מאכן אז די מוסד גייט אן מיט די עבודת הקודש און וואס מ'קען טוען אז די מוסד זאל ארויסהעלפן נאך מער משפחות המצפים לישועה ורפואה.

 אלע משתתפים ביי די אסיפה זענען געקומען צו די החלטה צו ארבעטן האנט ביי האנט זיכער צו מאכן די עקזיסטענץ פון די מוסד גייט ווייטער אן און גיין "מחיל אל חיל" צו העלפן ווי מער אידן וואס דארפן צו דעם צוקומען.

שלח רפואה שלמה לחולי עמיך.