היסטאריש: אייראפע'ס ערשטע אייגענע ראקעט דערגרייכט ספעיס
גאלערי
ווידעאס
בס"ד
היסטאריש: א פריוואטע ראקעט איז צום ערשטן מאל סוקסעספול ארויסגעשאסן געווארן אין ספעיס פונעם אייראפעאישן קאנטינענט
צום ערשטן מאל אין די היסטאריע האט א פריוואט-דעוועלאפטע ראקעט דערגרייכט ארביט פונעם אייראפעאישן קאנטינענט. דאס איז פארגעקומען דעם פארגאנגענעם סעפטעמבער 5, 2026, ווען די דייטשע פירמע 'איסאר עראוספעיס' (Isar Aerospace) האט ארויסגעשאסן איר 'ספעקטרום' ראקעט פונעם אנדויא ספעיס צענטער אין צפון נארוועגיע.
די 95-פוס הויכע ראקעט האט זיך געהויבן 4:12 נאכמיטאג (ניו יארקער צייט), אדער 10:12 ביינאכט לאקאלע צייט אין נארוועגיע, און האט דערגרייכט איר ציל אין ארביט ארום זיבן מינוט שפעטער. די פירמע האט באשטעטיגט דעם גרויסן מיילשטיין, זאגנדיג אז די מיסיע איז אדורך מיט א געוואלדיגע סוקסעס און 5 סעטעלייטס זענען סוקסעספול ארויסגעשטעלט געווארן אין ספעיס. ווידעא פונעם מיסיע צייגט דעם הערליכן ספעקטאקל ווי די ראקעט הייבט זיך אין די נאכט שטונדן און די הערליכע בילדער פונעם קיילעכדיגן ערד-קוגל ווען די ראקעט איז אנגעקומען אין ספעיס.
פון א דורכפאל צו א סוקסעס
די מיסיע, וואס האט באקומען דעם נאמען "פארראויס און ארויף" (Onward and Upward), איז א ריזיגע שריט פאראויס פאר די קאמערציאלע ספעיס אינדוסטריע אין אייראפע. דאס קומט נאך א פריערדיגע פרואוו אין מערץ 2025 וואס האט זיך געענדיגט מיט א דורכפאל, ווען די ראקעט האט געקראכט און איז צוריקגעפאלן צו דער ערד ווייניגער ווי א מינוט נאכן זיך הייבן. נאך א צוויי-מאנאטליכע אויספארשונג האט די פירמע באשלאסן צו פרובירן נאכאמאל.
דער יעצטיגער ארויסשיס איז געקומען נאך עטליכע פארהאלטונגען דורכאויס דעם יאר צוליב וועטער פראבלעמען, טעכנישע אישוס, און אפילו א שיפל וואס האט זיך אריינגעכאפט נעבן דעם לאנטש סייט און געשטערט די פלענער. דער הויפט אינזשעניר פון די פירמע, ניקאלאס פעראקיס, האט עס אנגערופן א היסטארישע מאמענט, זאגנדיג לייוו ביי די בראדקעסט: "מיר מאכן היסטאריע פאר ספעקטרום, פאר איסאר, און פאר גאנץ אייראפע."
טעכנישע דעטאלן און אומאפהענגיקייט
די 'ספעקטרום' ראקעט איז כמעט אינגאנצן געבויט און פראדוצירט געווארן דורך די 'איסאר עראוספעיס' פירמע אליין, און קען טראגן א וואג פון ביז 1,000 קילאגראם צו די נידריגע ערד-ארביט (LEO), אדער ביז 700 קילאגראם צו די העכערע ארביט. דער סע-אי-או (CEO) און מיט-גרינדער פון די פירמע, דניאל מעצזלער, האט געפייערט דעם סוקסעס, ארויסברענגענדיג אז דאס עפנט א נייע תקופה פאר ספעיס צוטריט פון אייראפע. ער האט צוגעגעבן אז די פירמע האט באוויזן אין עטליכע יאר דאס וואס עס האט געדויערט פאר די אלגעמיינע אייראפעאישע ספעיס אינדוסטריע צענדליגע יארן צו דערגרייכן. די דייטשע מיניסטעריום פאר טעכנאלאגיע און ספעיס האט אויך געלויבט דעם דערגרייכונג אויף סאשעל מידיא אלס א באווייז אויף די לאנד'ס טעכנאלאגישע קראפט.
דער סוקסעס איז א געוואלדיגע סטראטעגישע געווינס פאר גאנץ אייראפע. ביז יעצט איז אייראפע געווען אנגעוויזן אויף לאנטש סייטס אינדרויסן פונעם קאנטינענט, ווי צום ביישפיל אין פרענטש גויאנע, אדער אויף אמעריקאנער פירמעס, צו קענען ארויסשיקן סעטעלייטס. עקספערטן זאגן אז דאס איז א טייל פון א ברייטערע פלאן פון אייראפע צו ווערן מער אומאפהענגיג אין די ספעיס אינדוסטריע.
איסאר עראוספעיס זאגט אז זיי האבן שוין באקומען פרישע פאנדינג צו דעוועלאפן נייע ראקעטן און פארברייטערן זייער אינפראסטרוקטור. די פירמע ארבעט שוין אויף א צווייטע לאנטש סייט אין קאנאדע, און מיט א נייע פראדוקציע צענטער נעבן מינכן וואס גייט זיך עפענען שפעטער דעם יאר, קוקט אויס אז די פירמע איז גרייט צו ווייטער וואקסן און נאכקומען די גרויסע נאכפראגע פאר ספעיס צוטריט אין אייראפע.
היסטאריש: א פריוואטע ראקעט איז צום ערשטן מאל סוקסעספול ארויסגעשאסן געווארן אין ספעיס פונעם אייראפעאישן קאנטינענט
צום ערשטן מאל אין די היסטאריע האט א פריוואט-דעוועלאפטע ראקעט דערגרייכט ארביט פונעם אייראפעאישן קאנטינענט. דאס איז פארגעקומען דעם פארגאנגענעם סעפטעמבער 5, 2026, ווען די דייטשע פירמע 'איסאר עראוספעיס' (Isar Aerospace) האט ארויסגעשאסן איר 'ספעקטרום' ראקעט פונעם אנדויא ספעיס צענטער אין צפון נארוועגיע.
די 95-פוס הויכע ראקעט האט זיך געהויבן 4:12 נאכמיטאג (ניו יארקער צייט), אדער 10:12 ביינאכט לאקאלע צייט אין נארוועגיע, און האט דערגרייכט איר ציל אין ארביט ארום זיבן מינוט שפעטער. די פירמע האט באשטעטיגט דעם גרויסן מיילשטיין, זאגנדיג אז די מיסיע איז אדורך מיט א געוואלדיגע סוקסעס און 5 סעטעלייטס זענען סוקסעספול ארויסגעשטעלט געווארן אין ספעיס. ווידעא פונעם מיסיע צייגט דעם הערליכן ספעקטאקל ווי די ראקעט הייבט זיך אין די נאכט שטונדן און די הערליכע בילדער פונעם קיילעכדיגן ערד-קוגל ווען די ראקעט איז אנגעקומען אין ספעיס.
פון א דורכפאל צו א סוקסעס
די מיסיע, וואס האט באקומען דעם נאמען "פארראויס און ארויף" (Onward and Upward), איז א ריזיגע שריט פאראויס פאר די קאמערציאלע ספעיס אינדוסטריע אין אייראפע. דאס קומט נאך א פריערדיגע פרואוו אין מערץ 2025 וואס האט זיך געענדיגט מיט א דורכפאל, ווען די ראקעט האט געקראכט און איז צוריקגעפאלן צו דער ערד ווייניגער ווי א מינוט נאכן זיך הייבן. נאך א צוויי-מאנאטליכע אויספארשונג האט די פירמע באשלאסן צו פרובירן נאכאמאל.
דער יעצטיגער ארויסשיס איז געקומען נאך עטליכע פארהאלטונגען דורכאויס דעם יאר צוליב וועטער פראבלעמען, טעכנישע אישוס, און אפילו א שיפל וואס האט זיך אריינגעכאפט נעבן דעם לאנטש סייט און געשטערט די פלענער. דער הויפט אינזשעניר פון די פירמע, ניקאלאס פעראקיס, האט עס אנגערופן א היסטארישע מאמענט, זאגנדיג לייוו ביי די בראדקעסט: "מיר מאכן היסטאריע פאר ספעקטרום, פאר איסאר, און פאר גאנץ אייראפע."
טעכנישע דעטאלן און אומאפהענגיקייט
די 'ספעקטרום' ראקעט איז כמעט אינגאנצן געבויט און פראדוצירט געווארן דורך די 'איסאר עראוספעיס' פירמע אליין, און קען טראגן א וואג פון ביז 1,000 קילאגראם צו די נידריגע ערד-ארביט (LEO), אדער ביז 700 קילאגראם צו די העכערע ארביט. דער סע-אי-או (CEO) און מיט-גרינדער פון די פירמע, דניאל מעצזלער, האט געפייערט דעם סוקסעס, ארויסברענגענדיג אז דאס עפנט א נייע תקופה פאר ספעיס צוטריט פון אייראפע. ער האט צוגעגעבן אז די פירמע האט באוויזן אין עטליכע יאר דאס וואס עס האט געדויערט פאר די אלגעמיינע אייראפעאישע ספעיס אינדוסטריע צענדליגע יארן צו דערגרייכן. די דייטשע מיניסטעריום פאר טעכנאלאגיע און ספעיס האט אויך געלויבט דעם דערגרייכונג אויף סאשעל מידיא אלס א באווייז אויף די לאנד'ס טעכנאלאגישע קראפט.
דער סוקסעס איז א געוואלדיגע סטראטעגישע געווינס פאר גאנץ אייראפע. ביז יעצט איז אייראפע געווען אנגעוויזן אויף לאנטש סייטס אינדרויסן פונעם קאנטינענט, ווי צום ביישפיל אין פרענטש גויאנע, אדער אויף אמעריקאנער פירמעס, צו קענען ארויסשיקן סעטעלייטס. עקספערטן זאגן אז דאס איז א טייל פון א ברייטערע פלאן פון אייראפע צו ווערן מער אומאפהענגיג אין די ספעיס אינדוסטריע.
איסאר עראוספעיס זאגט אז זיי האבן שוין באקומען פרישע פאנדינג צו דעוועלאפן נייע ראקעטן און פארברייטערן זייער אינפראסטרוקטור. די פירמע ארבעט שוין אויף א צווייטע לאנטש סייט אין קאנאדע, און מיט א נייע פראדוקציע צענטער נעבן מינכן וואס גייט זיך עפענען שפעטער דעם יאר, קוקט אויס אז די פירמע איז גרייט צו ווייטער וואקסן און נאכקומען די גרויסע נאכפראגע פאר ספעיס צוטריט אין אייראפע.