"מענטשן מיינען אז איך נעם פשוט ישועות פון הימל און איך שיק עס ווייטער צו די נצרכים. דער אמת איז, איך דארף זייער שווער ארבעטן פאר א ישועה. איך לייג אריין גרויסע כוחות פאר יעדע הזכרה און בקשה וואס קומט אן צו מיר. זכותים ווערן געשאפן דורכ'ן טון דעם רצון השם. איך טו אנזאמלען די זכותים און לייג זיי אוועק פאר א פאל ווען א איד דארף א ישועה.

"צדיקים פון פריערדיגע דורות, ספעציעל אין די צייטן פונעם בעל שם הקדוש, האבן געהאט די געוואלדיגע כוחות צו גוזר זיין געוויסע זאכן פאר אידן. אבער אין אונזער דור, דארף איך בעטן דעם אויבערשטן צו שיקן פאר אידן ישועות לויט די כוחות וואס איך לייג אריין אין מיין עבודה.

"א איד דארף וויסן אז צוויי זאכן דארפן געשען אז ער זאל ווערן א כלי וואס קען מקבל זיין ישועות: ער דארף האבן אמונה שלימה אז ער וועט זוכה זיין צו זען א ישועה דורכ'ן כח פונעם צדיק'ס ברכה – און ער מוז העלפן דעם צדיק זאמלען די נויטיגע זכותים."

– דער ריבניצער רבי זצוק"ל