אפדעיט: בית שמש באוויינט דעם 7 יעריגן הלל מרדכי דדון ז"ל נאך די טראגישע אטאקע
גאלערי
ווידעאס
שווערע טראגעדיע אין בית שמש: קינד ל"ע אומגעקומען און א צווייטער פארוואונדעט ביי א פאמיליע צוזאמקום
די שווערע טראגעדיע האט פאסירט אינמיטן א פאמיליע געבורטסטאג פייערונג אויף רחוב עמק הזיתים אין בית שמש. דאס קינד הלל מרדכי ע"ה און זיין 4-יעריגער קאזין זענען אין אן אלארמירנדן צושטאנד אפגעפירט געווארן צום 'הדסה עין כרם' שפיטאל, וואו די דאקטוירים האבן ליידער געמוזט פעסטשטעלן די פטירה פון הלל מרדכי ע"ה. זיין יונגער קאזין ווערט ווייטער באהאנדלט אין שפיטאל און זיין צושטאנד ווערט אנגעגעבן אלס מיטלגארטיג.
די ארטיגע פאליציי האט ארעסטירט א 25-יעריגן איינוואוינער פון די געגנט און זיי פירן אדורך אן אויספארשונג איבער די פונקטליכע אומשטענדן וואס האבן געפירט צו דעם שוידערליכן אינצידענט. אין דער זעלבער צייט זענען מתעסקים פון זק"א ארויסגעקומען אויפ'ן ארט און העלפן ארויס די צובראכענע פאמיליע מיט אלע געברויכן ארום די קבורה.
די פאסירונג האט אראפגעברענגט א שווערע טרויער איבער די גאנצע שטאט בית שמש. דער מעיאר פון שטאט, שמואל גרינבערג, האט אויסגעדרוקט זיינע טיפסטע טרייסט וואונטשן פאר די אומגליקליכע פאמיליע און האט גערופן דעם ציבור מתפלל צו זיין פאר א רפואה שלמה פאר דאס פארוואונדעטע קינד.