מלכות'דיגע און דערהויבענע מלוה מלכה ואסיפת חיזוק פאר מלמדים און כלי קודש פון מוסדות סאטאמאר בארא פארק  פארגאנגענע מוצ"ש שמות העעל"ט אינעם פראכטפולן אודוטאריום אין בית רחל – בנין פריעדמאן  אין די פרי מוצאי שבת שעה'ן האבן זיך די געטרייע מלמדים און כלי קודש צוזאם געקומען געקומען, און געווארן ענטפאנגען דורך די געטרייע מנהלים אינעם אודוטאריום ווי עס איז געווען אנגעגרייט "א נאכט פאר אונז מלמדים" א מלכות'דיגע און עלעגאנטע סעודת מלוה מלכה כסעודת שלמה בשעתו,  די מלוה מלכה האט זיך אנגעפאנגען ווען דער חשובע מנהל הרב ר' יוסף מאיר מייזליש שליט"א האט אייגעלייט די מסיבה און אויפגערופן דער פה מפיק מרגליות הרה"ג שלמה שבתי קעסטענבוים שליט"א ווי ר' שבתי האט באצויבערט דעם ציבור און ארומגערעדט אין חשיבת המלמדים מפי ספרים וסופרים און ארויסגעברענגט מחנך זיין די קומענדיגע להשם ולתורתו מיט א ווארימקייט צו אידישקייט,  דערנאך איז פארקומען אייגענארטיגע אויפטריטן פון עטליכע מלמדים מיט געשמאק וועלכע האבן ארומגערעדט וויאזוי מען רעדט ריכטיג אויפן טעלעפאון מיט עלטערן,  דערנאך האבן די מנהלים החשובים געשאנקן א הערליכע מתנה פארן געטרייע אדמיניסטראטער הרב יושע שנעבעלג שליט"א אב"ד זידיטשוב לינדען, וואס שטייט א גאנץ יאר ווי א געטרייע גענעראל און פירט אלע צרכי גשמי פון די מוסדות על מי מנוחות זיכער מאכענדיג למען יחסר המזג פארן חינוך און שטייט געטריי צו די מנהלים.  דערנאך האט די חשובע מנהל הר"ר נפתלי הירצקא שטערן שליט"א אויסגערופן די גאסט רעדנער הרה"ח ר' אברהם מרדכי מלאך שליט"א ווי דער וואונדערליכע בעל דרשן האט געהאלט געשפאנט דעם ציבור פאר לאנגע שעות מיט טרעפליכע פערל ווערטער און מעשיות אויפהייבנדיג די שמחה און געשמאק פון זיין א מרביץ תורה לעדרים און ווי אזוי מיט שמחה און געשמאק אריינברענגען אידישקייט אינעם קומענדיגע דור און אויך ארומגערעדט פון עטליכע חינך פונקטן לשביעת רצון המלמדים שליט"א  סוף פונעם אווענט האבן זיך מנהלים באדאנקט און איבערגעגעבן א ספעציעלע מתנה פאר די געטרייע סגן מנהלים ד'מוסדותינו ה"ה הרב אברהם דוד לעווינגער שליט"א – כיתות נ"קג. הרב אליעזר בינער כיתות א' – ג'. הרב יחזקא רובין שליט"א כיתות ד' – ו'. הרב מרדכי יצחק היימליך שליט"א כיתות ז' – ט'. די מנהלים האבן זיך ספעציעל באדאנקט פאר די סגן מנהלים אויף זייער געטרייע ארבעט פון א גאנץ יאר און בפרט די מלוה מלכה "א נאכט פאר אונז מלמדים".  די מלמדים האבן באקומען גאר ווערדפולע מתנות אהיימצונעמען פאר זיך און פאר נשי מצדיקי הרבים און פאר די וואוילע קינדער פון די מלמדים.  עס איז שוין געווען קרוב צו 5 שעה ווי די מלמדים האבן זיך אנגעפילט מיט פולע קינינים חיזוק והדרכה און מיט שטארקייט זיך געזענגענט און אהיים ווען דעם אשרינו מה טוב חלקינו שרייט זיך ארויס פון אלע מיילער און הערצער !