קהל ראחמיסטריווקא וויליאמסבורג באנייעט בנין ביהמ"ד החדש:
גרויס פרייד הערשט ביי חסידי ראחמיסטריווקא אין וויליאמסבורג, ווען אויף דעם יום טוב פסח גרייט מען זיך בעז"ה צו באנייען די בית המדרש החדש דחסידי ראחמיסטריווקא אויף פרענקלין, נאך וואס די ביז יעצטיגע ביהמ"ד אין בנין ישיבת מבוא התלמוד אויף ווייט עוועניו, איז ב"ה אויסגעשטיגן פון פלאץ.דאס קומט געציילטע חדשים נאך וואס כ"ק אדמו"ר מראחמיסטריווקא וויליאמסבורג שליט"א האט איבערגענומען די כתר ההנהגה אין שטאט, און די ציבור ביי די תפילות און טישן האט זיך דראסטיש געמערט. מיט עטליכע חדשים צוריק איז די הנהלת הקהילה אריינגעשפרינגען אין א פראיעקט אפצוקויפן א בנין רחבת ידים אויף פרענקלין, און פאר די לעצטע פאר וואכן איז אנגעגאנגען העפטיגע רענאוואציעס צוצוגרייטן דעם בנין מ'זאל עס שוין קענען באנייען לכבוד יום טוב פסח.היינט זונטאג נאך שחרית, איז דער רבי שליט"א אנגעקומען צום מעמד קביעת מזוזה אין די נייע בית המדרש אין באגלייטונג פון א גרויסע ציבור חסידים, דער רבי האט קובע געווען די מזוזות און אפגעראכטן א מסיבת לחיים לרגל המאורע.
קרעדיט אידישע נייעס
גאלערי