יראת השם אלמדכם: קרוב צו 200 תלמידי סניפי ישיבה דרך התורה ד'סאטמאר מיטגעהאלטן יום התעלות אינאיינעם מיט דרשות פתיחות הזמן ביום ל"ג בעומר דורכ'ן ראש ישיבה הגה"צ אבד"ק סאטמאר וומסב"ג שליט"א:

געהויבענע יום התעלות פארגעקומען אין קרית יואל ווי עס איז צום ערשט פארגעקומען א סדר הלימוד פון דריי שעה רצופות דורך די קרוב צו צוויי הונדערט תלמידים פון די צוויי סניפי ישיבת דרך התורה, דערנאך איז הגה"צ אבד"ק סאטמאר וויליאמסבורג שליט"א אנגעקומען און דער רב איז צום ערשט ארומגעגאנגען צווישן די טישן און זיך אומגעקוקט אויף די לימודים פאר א לענגערע צייט, נאכ'ן דאווענען מנחה איז פארגעקומען א מסיבת לחיים בהיכל הביהמ''ד, און דער רב האט משמיע געווען דעם דרשת פתיחת הזמן בדברי הדרכה והשקפה פאר די תלמידי הישיבה.

כמנהג האדמו"ר הרה"ק בעל ברך משה מסאטמאר זי"ע צו זאגן די פתיחה דרשה ביום ל"ג בעומר.