די אידישע געמיינדע אין עשוויל נארט קאראליינע זענען גאר שווער באטראפן געווארן פון דער האריקעין שטורעם די וואך.

א גרופע טרענירטע וואלונטירן פון מציל סוירטש און רעסקיו האבן זיך ארויסגעלאזט מיט רעטונגס געצייג און סופלייען צו די שווער באטראפענע געגנטער נאך וואס דער לאקאלע חבד רב האט באריכטעט איבער עטליכע אידן וועלכע פעלן נאך זינט דעם שטורעם.

די וואלונטירן פון ניו יארק האבן אויפגעשטעלט א קאמעגד צענטער אינאיינעם מיטן חב"ר רב אינעם מציל מאביל הויפטקווארטיר ווי זיי זענען איבערגעגאנגען די ליסטע פון די לאקאלע אידן און ארומגערופן צו די וואס דארפן הילף.

איין עלטערער איינוואוינער האט באריכטעט אז זיין ווייב איז פארכאפט אין זייער הויז אן עלעקטער אדער קאמיוניקאציע און די שאסייען ארום זענען טאטאל בלאקירט. דער מאן איז געקראכן איבער ביימער און ברוכווארג פאר עטליכע שעה, און געבעטן די וואלונטירן צו ראטעווען זיין ווייב. די קאוסט גארד גרופעס האבן ענטזאגט צו שיקן א העליקאפטער ביז עטליכע טעג ארום זאגנדיג אז זיי האבן נישט גענוג רעסורסן פאר די פילע מיסיעס און געשטראנדעטע.

וואלונטירן פון מציל האבן זיך תיכף ארויסגעלאזט אין ספעציעלע הויכע טרעקלעך אין ריכטונג פון די געשטראנדעטע פרוי, און נאך א לענגערע צייט איבעקריכן די ברוכווארג און געפאלענע ביימער האבן זיי באוויזן צו גרייכן די פרוי און צוגעשטעלט באלדיגע מעדיצינישע הילף. זיי האבן איר דאן באגלייט אויפן לאנגן וועג צוריק און געברענגט צו א פארזיכערטע לאקאציע