הַזְכִּירוּ לְפָנָיו תּוֹרָה וּמַעֲשִׂים טוֹבִים שֶׁל שׁוֹכְנֵי עָפָר:

אַ רירנדער און הייליגער מעמד, איז פאָרגעקומען מיט אַ צאַפּלדיגע התרגשות, ווען מ'האָט ב"ה ברוב סייעתא דשמיא באַוויזן צו ברענגען לקבורה בכבוד הראוי צענדליגער טראָקס פון "עפר המחולל", וואס איז ליידער געווארן אויפגעגראָבן ביים אלטן בית החיים אין אומאַן, נעבן דעם ציון הק׳ פון הרה״ק רבי נחמן מברסלב זי״ע.

דער בית החיים, וואו שרפי מעלה ליגן שוין הונדערטער יאר, איז אין די לעצטע יארן שרעקליך מחולל געווארן. און נאך שווערע השתדלות פון עסקני ועד להצלת ביה״ח אומאן, בראשות זקני רבני ברסלב שליט״א און אין שפיץ פון הרה״ח רבי משה דוד ניעדערמאן שליט״א, האט מען דערגרייכט אז דער גאנצער שטח זאל באקומען א קולטור־סטאטוס, וואס האט לעגאל אפגעשטעלט די חילולי הקברים

טראץ דעם איז ליידער אויפגעגראבן געווארן די קברים באישון לילה קעגן די געזעץ, ווי עס איז ליידער מחולל געווארן די מקום קדוש. די עסקנים האבן גלייך צאמגענומען די עצמות און עפר המחולל, אבער האבן זיך געמוזט דורכשלאגן דורך א פארפלאנטערטן סיסטעם פון געזעצן, אפיציעלע ערלויבענישן און רעגולאציעס, צוזאמען מיט פארשידענע שטערונגען, ביז מען האט נאך לאנגע וואכן און חדשים דורכגעקומען אלע שווערגיקייטן.

די מעמד הקבורה איז פארגעקומען לויט די הוראות פון הגה״צ רבי דוד מיכאל שמידל זצוק״ל נאך בחיים חיותו באגלייט דורך די משגיחים פון אתרא קדישא, נאכן זעהן אז עס איז נישט געווען מעגליך צוריקצולייגן אלעס אויפן אריגינעלן ארט, האט באויפטראגט די עסקנים צו מקדש זיין א פרישן שטח בית החיים ביים עק שטאט אומאן. 

.שווערע טויזנטער דאלארן זענען אויסגעגעבן געווארן פאר די אפיציעלע קאמפליצירטע קבורה, וואס נעמט אריין די פילע זאמד און טראקטארן און אפקויפן דאס שטח און אלעס ארום, ווי אויך אריבער גיין אלע בירוקראטישע פראצעדהורן

. ביים רירנדן מעמד הקבורה האט מען איבערגעבעטן די שוכני עפר און געזאגט ספעציעלע תפילות ותחנונים, אז די זכות פון צוריקשטעלן כבוד המת זאל ביישטיין פאר די עסקנים און גאנץ כלל ישראל