ארץ ישראל - זייט פארטאגס זענען שוין איבער 300 ראקעטן געפלויגן אויף צפון ארץ ישראל פאראורזאכנדיג שווערע שאדן אין א צאל שטעט ווי זיי זענען געפאלן, ב"ה אהן קיין געשעדיגטע, צווישן די שטעט וואס זענען שווער באטראפן געווארן איז קרית שמונה.  אין די זעלבע צייט האט מדינת ישראל שוין היינט באמבארדירט איבער 200 כיזבאללא צילן און איינריכטונגען אין לבנון.  אין נאך א געלונגענע אטענטאט האט די מדינת ישראל מיליטער עלימינירט איברהים קובייסי אין א געצילטע אטאקע אויף א 6 שטאקיגע געביידע אין ביירוט, קובייסי איז געשטאנען אין שפיץ פון די ראקעטן איינהייט פון כיזבאללא און האט אויספלאנירט עטליכע אטאקעס קעגן מדינת ישראל צווישן זיי די פארכאפונג און מארד פון דריי זעלנער הי”ד פאר 24 יאר צוריק.

קרעדיט: זעמל