כפים’ס גרויסע ברודער פראגראם איז געאייגנט פאר קינדערלעך וואס זענען ליידער נישט געזונט, און פאר די משפחות פון חולי ישראל, דער פאקט באווייזט ליידער אז ווען איינס פון די עלטערן אדער געשוויסטער פון א קינד איז ל’’ע נישט געזונט פאלט דאס געזונט קינד צווישן די לעכער אן איינער וואס זאל זיך אומקוקן אויף אים פונדערנאנט, צולערנען די לימודים, און געבן א ליבליכע שמייכל און ווארעם הארץ.

די גרויסע ברודער פראגראם צילט צוצושטעלן פאר די קינדער און בחורים געלונגענע חשוב’ע אינגעלייט וואס זענען באקאנט און די נושא, וואס זיי זאלן צולערנען, שפילן, פארברענגען און שמועסן, מיט די קינדער און זיי געבן געלעגנהייט פאר דעם קינד צו משלים זיין זיינע לימודים און אויך זיך אויסצוגעבן אין די פרייע צייטן, עפעס וואס ער באקומט צומאל נישט אינדערהיים, און אזוי ארום אים אויפבויען ברוחניות ובגשמיות.

״קרן תורת החיים״ כפים גרויסע ברודער פראגראם איז אן אונטערנעמונג לע’’נ דער אומפארגעסליכער איש החסד הרה’’ח ר’ חיים דוב ז’’ל בן הרה’’ח ר’ חנני יו’’ט הי’’ו מייזעלס וואס איז געווען גרייט פאר יעדע אידיש קינד ווי א גרויסע ברודער מיט אן אפן הארץ.

יעצט ביי זיין ערשטע יארצייט איז פארגעקומען א מעמד היסוד, ווי עס האבן זיך באטייליגט די חשובע אינגעלייט וואס האבן שוין די פארגאנגענע 8 וואכן אוועקגעגעבן צענדליגע שעות, אזוי אויך די חשובע רב הרה״ג ר׳ יעקב כ״ץ שליט״א אב״ד נמוזשא וואס באגלייט די פראגראם מיט א מורא׳דיגע איבערגעגעבנקייט, הרה״ג ר׳ ישראל שלום ווייס שליט״א מנהל מפעל להדריך וואס איז דא מיט א געוואלדיגע גרייטקייט ארויסצוהעלפן מיט וואס עס איז שייך,

עס האט זיך באטייליגט הרה״ג אבד״ק באלחוב שליט״א מרבני כפים און הרה״ג אב״ד סאטמאר קרת יואל -י״ם שליט״א