בילדער: צוויי גאר פארשידענע מעסידזשעס באגריסן די תשרי געסט אויף בענק אין קראונהייטס
גאלערי
בס"ד
קראון הייטס: קאנטראסטירנדע צעטלעך אויף בענקלעך ציען אויפמערקזאמקייט בעת די געגנט ווערט איבערגעפילט מיט תשרי געסט
אין קראון הייטס האבן צוויי צעטלעך וואס זענען ארויפגעקלעבט געווארן אויף בענקלעך געצויגן שטארקע אויפמערקזאמקייט, אין א צייט וואס די געגנט ווערט איבערגעפילט מיט טויזנטער אורחים אויף חודש תשרי. יעדע פון די צעטלעך טראגט א קאמפלעט אנדערע מעסעדזש.
איין צעטל, געשריבן אין ענגליש און אין לשון קודש, בעט אז נשים זאלן זיך נישט זעצן אויף דעם באנק. פון די אנדערע זייט, א צווייטע סיין וואס איז באצירט מיט הערצער, גיט א ווארימע באגריסונג פאר די פילע געסט וואס קומען אן אויף תשרי, און שרייבט ארויס בפירוש א ספעציעלע 'ברוכים הבאים' אויך פאר די נשים.
די צוויי קאנטראסטירנדע סיינס זענען אויפגעקומען יעצט ווען קראון הייטס האלט אינמיטן איר יערליכע תשרי סעזאן, ווען א ריזיגע צאל געסט פון איבער דער גאנצער וועלט קומען צו פארן, און די גאסן ארום 770 איסטערן פארקוועי זענען פיל מער פארנומען און געפאקט ווי געווענליך.
עס איז דערווייל נישט קלאר ווער עס האט ארויפגעשטעלט די צעטלעך, אדער צי די צוויי סיינס האבן בכלל א שייכות איינער צום צווייטן.