סוכות וועטער אלערט: שטארקע ווינטן און רעגן קענען אפעקטירן ניו יארק סיטי און לאנג איילענד דורכאויס יום טוב
גאלערי
בס"ד
שטורעם ווארענונג: א מעגליכע 'קאוסטעל שטורעם' קען ברענגען שטארקע ווינטן און רעגן קיין ניו יארק אויף יו"ט סוכות
ניו יארק — א 'קאוסטעל שטורעם' וואס האלט זיך יעצט אינמיטן פארמירן קען ברענגען מעכטיגע ווינטן און רעגנס קיין ניו יארק סיטי און לאנג איילענד פונקט ווען יו"ט סוכות פאנגט זיך אן, וואס קען מעגליך אהערשטעלן שווערע אומשטענדן פאר די טויזנטער סוכות איבער די גאנצע טריי-סטעיט געגנט.
ווי באקאנט פאנגט זיך דער יו"ט אן דעם קומענדיגן פרייטאג צונאכטס און ציט זיך אריין אינעם וויקענד, און לויט די פאראויסזאגונגען פון די וועטער עקספערטן וועט דער שטורעם הויפטזעכטליך באטרעפן די געגנט פון פרייטאג ביז זונטאג.
די 'נעשאנעל וועטער סערוויס' פאראויסזאגט דערווייל אז אין ניו יארק סיטי וועלן די ווינטן בלאזן אין די נידעריגע 30 מייל פער שעה (mph) פרייטאג און שבת קודש, אינאיינעם מיט מעגליכקייטן פאר רעגן. אבער די אומשטענדן קענען זיין פיל שווערער וואס ווייטער מזרח מען פארט אויף לאנג איילענד.
די וועטער סטאנציע פון 'NBC ניו יארק' גיט איבער אז אין סאפאלק קאונטי קענען די ווינטן גרייכן צווישן 40 און 50 מייל פער שעה. די כסדר'דיגע ווינטן פון צפון-מזרח ברענגען אויך ארויף זארגן איבער לאקאלע פארפלייצונגען ביי די ברעגעס (קאוסטעל פלאדינג) און שאדנס פאר די ביטשעס.
די טיימינג פונעם שטורעם ברענגט ארויס באזונדערע זארג פאר די היימישע אידישע קהילות איבער די געגנט, וויבאלד עס קען שטארק אפעקטירן די סוכות און די פלענער צו פראווען דעם יו"ט אינדרויסן. איינוואוינער ווערן געראטן צו האלטן אן אויג אויף די וועטער באריכטן ווי נענטער עס קומט צו יו"ט, וויבאלד די פונקטליכע דירעקציע און שטארקייט פונעם שטורעם איז דערווייל נאך אומקלאר.
די פארשידענע וועטער מאדעלס זענען דערווייל נאך נישט איינשטימיג איבער ווי נאנט דער שטורעם וועט אדורכגיין די ברעגעס. אויב דער שטורעם וועט זיך רוקן נענטער צו אונזער געגנט, וועט עס ברענגען פיל שטערקערע ווינטן און שווערערע רעגנס, אבער אויב עס וועט בלייבן ווייטער אינעם אקעאן, וועט עס דראסטיש פארמינערן די עפעקטן אויף אונזערע געגנטער.
שטורעם ווארענונג: א מעגליכע 'קאוסטעל שטורעם' קען ברענגען שטארקע ווינטן און רעגן קיין ניו יארק אויף יו"ט סוכות
ניו יארק — א 'קאוסטעל שטורעם' וואס האלט זיך יעצט אינמיטן פארמירן קען ברענגען מעכטיגע ווינטן און רעגנס קיין ניו יארק סיטי און לאנג איילענד פונקט ווען יו"ט סוכות פאנגט זיך אן, וואס קען מעגליך אהערשטעלן שווערע אומשטענדן פאר די טויזנטער סוכות איבער די גאנצע טריי-סטעיט געגנט.
ווי באקאנט פאנגט זיך דער יו"ט אן דעם קומענדיגן פרייטאג צונאכטס און ציט זיך אריין אינעם וויקענד, און לויט די פאראויסזאגונגען פון די וועטער עקספערטן וועט דער שטורעם הויפטזעכטליך באטרעפן די געגנט פון פרייטאג ביז זונטאג.
די 'נעשאנעל וועטער סערוויס' פאראויסזאגט דערווייל אז אין ניו יארק סיטי וועלן די ווינטן בלאזן אין די נידעריגע 30 מייל פער שעה (mph) פרייטאג און שבת קודש, אינאיינעם מיט מעגליכקייטן פאר רעגן. אבער די אומשטענדן קענען זיין פיל שווערער וואס ווייטער מזרח מען פארט אויף לאנג איילענד.
די וועטער סטאנציע פון 'NBC ניו יארק' גיט איבער אז אין סאפאלק קאונטי קענען די ווינטן גרייכן צווישן 40 און 50 מייל פער שעה. די כסדר'דיגע ווינטן פון צפון-מזרח ברענגען אויך ארויף זארגן איבער לאקאלע פארפלייצונגען ביי די ברעגעס (קאוסטעל פלאדינג) און שאדנס פאר די ביטשעס.
די טיימינג פונעם שטורעם ברענגט ארויס באזונדערע זארג פאר די היימישע אידישע קהילות איבער די געגנט, וויבאלד עס קען שטארק אפעקטירן די סוכות און די פלענער צו פראווען דעם יו"ט אינדרויסן. איינוואוינער ווערן געראטן צו האלטן אן אויג אויף די וועטער באריכטן ווי נענטער עס קומט צו יו"ט, וויבאלד די פונקטליכע דירעקציע און שטארקייט פונעם שטורעם איז דערווייל נאך אומקלאר.
די פארשידענע וועטער מאדעלס זענען דערווייל נאך נישט איינשטימיג איבער ווי נאנט דער שטורעם וועט אדורכגיין די ברעגעס. אויב דער שטורעם וועט זיך רוקן נענטער צו אונזער געגנט, וועט עס ברענגען פיל שטערקערע ווינטן און שווערערע רעגנס, אבער אויב עס וועט בלייבן ווייטער אינעם אקעאן, וועט עס דראסטיש פארמינערן די עפעקטן אויף אונזערע געגנטער.