רעקארד צאל פריע שטימען: ארום 33 מיליאן אמעריקאנער האבן שוין געוואוט בעפאר די נאוועמבער 3 מידטורם וואלן

מיט ווייניגער ווי א וואך פארבליבן צו די נאוועמבער 3 מידטורם וואלן, האבן שוין ארום 33 מיליאן אמעריקאנער אפגעגעבן זייערע שטימען. לויט די ציפערן פון מיטוואך, אקטאבער 28, זענען די שטימען צעטיילט כמעט פונקט האלב אויף האלב: ארום 16 מיליאן האבן געשטימט פערזענליך ביי די פריע וואל-סטאנציעס, און ארום 16 מיליאן האבן אריינגעשיקט זייערע בעלאטס דורך די פאסט.

לויט די דאטן פונעם 'עלעקשאן לעב' אין די פלארידע אוניווערסיטעט, מאכט דאס שוין אויס מער ווי א פערטל פון די ארום 122 מיליאן מענטשן וואס האבן געשטימט אין די 2022 מידטורם וואלן. די פריע שטימען קומען אריין אין גרויסע מאסן און די ציפערן שפרינגען, ספעציעל אין די וויכטיגע 'בעטלגראונד' סטעיטס, יעצט ווען דער קאמף איבער קאנטראל פונעם קאנגרעס גייט אריין אין די לעצטע פאזע.

די טעמפא פון פריע וואוטינג זעט אויס זייער שטארק אין אסאך ערטער. אומאפהענגיגע טרעקערס ווייזן אז די וואוטער טורנאוט האלט פאראויס פון 2022 אין עטליכע סטעיטס, כאטש נישט איבעראל איז עס אזוי. אין פלארידע, למשל, האלט עס אביסל אונטער די 2022 טעמפא. אין די סטעיטס וואס געבן ארויס די פארטיי רעגיסטראציע פון די וויילער, זעט מען אז רעגיסטרירטע דעמאקראטן מאכן אויס א גרעסערע פראצענט פון די פריע בעלאטס ווי רעגיסטרירטע רעפובליקאנער, און ארום א פערטל פון די פריע וויילער זענען בכלל נישט רעגיסטרירט צו קיין איין פארטיי.

דער דירעקטאר פונעם 'עלעקשאן לעב', מייקל מעקדאנאלד, ווארנט אבער אז מען קען נישט נוצן די פריע וואוטינג דאטן פאראויסצוזאגן ווער עס וועט געווינען, וויבאלד עס מעסט נאר 'ווער' עס האט שוין געשטימט, אבער נישט 'ווי אזוי' זיי האבן געשטימט. מיט נאך צענדליגע מיליאנען בעלאטס וואס דארפן נאך אריינקומען אין די קומענדיגע טעג, בלייבט די גרויסע פראגע צי דער יעצטיגע געלאף צו די שטים-בודקעס באדייט א העכערע אלגעמיינע טורנאוט, אדער פשוט אז די וויילער זענען געקומען שטימען פריער ווי געווענליך.