Loading

הרחבת גבולי הקדושה ביי ביהמ"ד הגדול דק"ק סאטמאר קרית יואל - פראכטפולע נייע מקוה טהרת מרדכי

ט ניסן תשפ"ד

0 1,731
Main image for הרחבת גבולי הקדושה ביי ביהמ"ד הגדול דק"ק סאטמאר קרית יואל - פראכטפולע נייע מקוה טהרת מרדכי

יום ד׳ לסדר ביום טהרתו - ערבי פסחים תשפ"ד לפ"ק!

אלפי תושבי העיר רבתי קרית יואל גרייטן זיך צו א גרויסן תתחדש מאָמענט, ווען אויף דעם שבת קודש שבת הגדול, לכבוד יו״ט פסח וועט מען בס"ד באנייען די נייע פּרעכטיגע מקוה מהודרה ומפוארה ״טהרת מרדכי״ אין ביהמ״ד הגדול דק״ק קרית יואל לשביעת רצון אלפי אנשי שלומינו.

די ארבעט מאַרשירט העפטיג צו פארענדיגן די גרויסע מקוה מיט 3 בורות הטבילה און קרוב צו 30 שויערס, און נאך צוגעהערן להרחיב דעתן של באי בית ה׳. מיט די חנוכת המקוה וועט צוקומען צום בנין הביהמ״ד העכער פרישע 5,000 סקווער פיס פון הרחבה אינעם בנין.

מיט עקסטאַז און פרייד טרעט מען אריין אין א פרישע פאַזע פון די ענדלאזע קייט פון הרחבת גבולי הקדושה וואָס ווערט נאר שטערקער און מאַכטפולער צו די שמחה פון חסידי סאַטמאַר בכלל ותושבי קרית מלך רב קרית יואל בפרט. ווען גלייכצייטיג גייט אן העפטיג די צוגרייטונגען פונעם אויפבויען די מאַסיווע "גאַרפיעלד פליגל", וואס וועט ערצייגן א גענצליך נייער בנין אדיר במלא יופיו והדרו, און די גיגאַנטישע נייע היכל הביהמ"ד הגדול "היכל אלטר יחזקאל", וואס מ׳וועט אי״ה צוטרעטן צו די פאקטישע מלאכת הבני׳ ממחרת חג הפסח. דער בנין ווערט צוגעגרייט צו קענען אנגיין אומגעשטערט אין די צייט וואס די בוי ארבייטער וועלן איבערנעמען דעם שטח.

מיט אביסל מחשבה אין דעם אומגלויבליכן פאַקט איז ווערט צו באצייכענען אז "בלויז 2 יאָר צוריק" האט די קהלה פארמאגט בלויז איין בור הטבילה. און אויף דעם יו״ט פסח הבעל״ט, ווען עס ווערט באנייעט די מקוה מיט אירע 3 בורות טבילה, זענען שוין אין פולקאָמען שוואונג די אנדערע 8 בורות טבילה אין די בתי מדרשים דקהלתינו הק' בכל פינות העיר קרית יואל, וואס ציילט זיך אינאיינעם צו 11 בורות טבילה, געבויעט און באנייעט אין אזא קורצע תקופה!!! אשרי העם שככה לו!

מעלין בקודש! מחיל אל חיל! לרומם קרנות צדיק!

ווידעאס