טעטערבארא / וואשינגטאן — א פריוואטער פליגער וואס האט געזאלט אפפליען היינט אינדערפרי מיט עטליכע פון די גדולי האדמו"רים קיין וואשינגטאן די. סי., איז אפגעהאלטן געווארן אין די טעטערבארא עירפארט צוליב א לופט-טראפיק פראבלעם נעבן ניוארק. דאס האט געפירט דערצו אז די נסיעה פון די משלחת צו זייער געפלאנטע מיטינג מיט פרעזידענט דאנאלד טראמפ אינעם ווייסן הויז זאל זיך פארשפעטיגן.

אויפ'ן פליגער האבן זיך געפינען כ"ק אדמו"ר מסאטמאר (מהר"יי) שליט"א, כ"ק אדמו"ר מבאבוב שליט"א, און כ"ק אדמו"ר מוויזשניץ מאנסי שליט"א. דער פליגער איז געהאלטן געווארן אויף דער ערד אין טעטערבארא פאר א שטיק צייט בעפאר עס האט ענדליך געקענט זיך הייבן און ארויספליען אויפ'ן וועג קיין וואשינגטאן.

לויט אינפארמאציע וואס קומט אריין פון וואשינגטאן, איז די מיטינג מיט פרעזידענט טראמפ געווארן אפגעשטיפט צוליב די פארשפעטיגונג פונעם פליגער, און עס איז נישט ערווארטעט זיך צו אנהייבן בעפאר ארום 2:00 נאכמיטאג.

די אדמו"רים זענען ארויסגעפארן קיין וואשינגטאן אלס טייל פון א ספעציעלע משלחת פון רבנים וואס זענען געפלאנט זיך צו טרעפן מיטן פרעזידענט יעצט אין די טעג בעפאר ראש השנה.