אריינפאר אטאקע: סאלדאט שווער פארוואונדעט אויף ראוד 443; טעראריסט דערשאסן
גאלערי
ווידעאס
בס"ד
שווערע טעראר אטאקע: א זעלנער ערנסט פארוואונדעט אין א קאר-ראמינג אטאקע ביים מכבים טשעקפוינט
א זעלנער איז היינט מיטוואך נאכמיטאג שווער פארוואונדעט געווארן אין א ברוטאלע קאר-ראמינג טעראר אטאקע ביים מכבים טשעקפוינט אויף רוט 443.
לויט ווי די פאליציי גיט איבער, האט דער טעראריסט אריינגעפארן מיט זיין קאר דירעקט אריין אין א פאליצייאישע פאטראל קאר וואס איז געווען סטאנציאנירט ביים טשעקפוינט, און האט אראפגעקלאפט דעם זעלנער וועלכער האט דארט געארבעט אינאיינעם מיט א פאליציי אפיציר.
דער זעלנער, א מאן אין די דרייסיגער יארן, איז אפגעפירט געווארן צום שערי צדק שפיטאל אין אן ערנסטן צושטאנד. פונעם שפיטאל האט מען איבערגעגעבן אז דער פאציענט איז איינגעשלאפן און באהאפטן צו אן אטעם-מאשין בשעת די דאקטוירים באהאנדלען זיינע שווערע וואונדן.
אנדערע זיכערהייט קרעפטן וואס זענען געווען אויפן ארט האבן באלד רעאגירט און האבן דערשאסן דעם טעראריסט צום טויט. נאכן אינצידענט איז רוט 443 אינגאנצן פארמאכט געווארן פאר טראפיק אין ביידע ריכטונגען, צווישן דעם מכבים טשעקפוינט און בית חורון.