300 קלארין באמבעס: דאקומענטן אנטפלעקן די געהיימע פראגראם פון די סודאנע מיליטער
גאלערי
ווידעאס
בס"ד
שאקירנדע אנטפלעקונג: געליקטע דאקומענטן צייגן אז סודאן'ס מיליטער האט פראדוצירט און באנוצט קעמיקאלע וואפן
א מאסיווע געליקטע זאמלונג פון אינערליכע מיליטערישע דאקומענטן, ווידעאס, בילדער און אויפגעכאפטע קאמוניקאציעס, שטעלט צו די קלארסטע באווייזן ביז איצט אז סודאן'ס מיליטער האט געבויט און זיך באנוצט מיט קעמיקאלע וואפן דורכאויס די בלוטיגע ציווילע קריג אינעם לאנד. אזוי צייגן באזונדערע אויספארשונגען וואס זענען פארעפנטליכט געווארן דורך די 'וואשינגטאן פאוסט' און די 'ניו יארק טיימס'.
לויט די באריכטן, האט דאס מיליטער גענומען אינדוסטריאלע כלארין (chlorine) - וואס איז ארגינעל געווען באשטימט צו רייניגן טרינק-וואסער - און עס פארוואנדלט אין הונדערטער פרימיטיווע באמבעס וואס מען האט אראפגעווארפן פון די לופטן, ספעציעל דיזיינט צו ברענגען מאקסימום פאטאליטעטן. איין מיליטערישע קאמאנדיר ווערט ציטירט אין די דאקומענטן זאגנדיג אז ביז אקטאבער 2024 זענען שוין פראדוצירט געווארן קרוב צו 300 קעמיקאלע באמבעס, וואס רוב דערפון זענען געהאלטן געווארן ביי די 'מעראווע' עיר בעיס אין צפון סודאן.
מער ווי צוויי צענדליג מערב-וועלט שפיאנאזש באאמטע, קעמיקאלע וואפן אינספעקטארן און עקספערטן האבן איבערגעקוקט די מאטעריאלן און באשטעטיגט אז זיי זענען קראנט און גלויבוידיג.
די דאקומענטן אידענטיפיצירן א הויכראנגיקער אפיציר, טאריק מאדאני, אלס דער הויפט ארכיטעקט פונעם פראגראם. מאדאני איז שוין געווארן סאנקציאנירט דורך די אמעריקאנער טרעזשערי דעפארטמענט אין יוני פאר זיין ראלע אין אנפירן א קאמפאני אין סודאן וואס האט אימפארטירט אויפרייס-מאטעריאלן פון עגיפטן און אינדיע.
איין באזונדערע שוידערליכע מעסידזש וואס ווערט דערמאנט אין די באריכטן, צייגט א ווידעא פון א קרבן מיט שווערע בראנד-וואונדן וואס איז געשיקט געווארן צו אן אפיציר וואס איז געווען פארמישט אין די לופט-אטאקעס, מיט די קעפשן: "דיין קאכן". דיגיטאלע עקספערטן פון קאלאראדא און מישיגען אוניווערסיטעטן האבן אונטערגעזוכט די ווידעאס און אודיא און באשטעטיגט אז זיי זענען נישט פאלש אדער מאניפולירט געווארן.
די יוניסעף (UNICEF) ארגאניזאציע, וועמענס כלארין סופלייען זענען אנגעבליך פארכאפט געווארן פאר דעם צוועק, האט רעאגירט אז זיי האבן נישט קיין רעקארד אז זייערע מאטעריאלן זענען מיסברויכט געווארן, און האבן אונטערגעשטראכן אז זייערע שיפמענטס זענען בלויז געווען געצילט פאר וואסער זיכערהייט.
פרואוון צו פארדעקן די שפורן
די געליקטע מאטעריאלן צייגן אויך א קלארע פרואוו דורך די סודאנעזע מיליטערישע פירערשאפט צו פארדעקן דעם פראגראם נאכדעם וואס אמעריקע האט ארויפגעלייגט סאנקציעס. אויפגעכאפטע קאמוניקאציעס צייגן ווי דער הויפט גענעראל, אבדעל פאטאח אל-בורהאן, האט באפוילן זיינע אונטערטאנען צו "אפראמען אלע שפורן" פון די קעמיקאלע וואפן. איין מעסידזש פון סעפטעמבער 2025 האט פארזיכערט דעם גענעראל אז א מיליטערישע באזע איז געווארן אינגאנצן אויסגערייניגט פון סיי וועלכע איבערבלייבענישן.
דאס סודאנעזע מיליטער לייקנט פובליק אז זיי האבן סיי ווען אנטוויקלט אדער גענוצט קעמיקאלע וואפן. זיי האבן אפילו דורכגעפירט אן "אינערליכע אויספארשונג" וואס האט - פארשטייט זיך - נישט געפינען קיין שום באווייזן, אבער די נייע דאקומענטן צייגן אז דער זעלבער מאדאני האט אליין אנגעפירט מיט די דאזיגע אויספארשונג. די אמעריקאנער רעגירונג האט שוין סאנקציאנירט בורהאן אין יאנואר 2025, און די סטעיט דעפארטמענט האט אפיציעל באשטעטיגט אין אפריל 2025 אז סודאן האט זיך באנוצט מיט קעמיקאלע וואפן, וואס האט געפירט צו פרישע סאנקציעס מיט עטליכע מאנאטן צוריק.
די גרעסטע הומאניטארישע קריזיס
די דריי-יעריגע ציווילע קריג אין סודאן צווישן דאס מיליטער און די קעגנערישע RSF קראפטן האט שוין פאראורזאכט דאס וואס די יו-ען רופט אן די וועלט'ס גרעסטע הומאניטארישע קריזיס. מיליאנען זענען פארטריבן געווארן פון זייערע היימען און א געשאצטע 20 מיליאן מענטשן פנים'ען א שווערע הונגער.
די באנוץ פון כלארין גאז, וואס איז א דירעקטע פארלעצונג פון אינטערנאציאנאלע קעמיקאלע וואפן אפמאכן, לייגט צו א פרישע שוידערליכע דימענסיע צו א קאנפליקט וואס איז שוין ממילא אנגעפילט מיט ברוטאלע אכזריות פון ביידע זייטן. מענטשנרעכט ארגאניזאציעס און אינטערנאציאנאלע עקספערטן פאדערן אן אומאפהענגיגע אויספארשונג אויפ'ן ארט, כאטש וואס דאס מיליטער לאזט דערווייל קיינעם נישט צוקומען צו די אנגעטראפענע ערטער.
שאקירנדע אנטפלעקונג: געליקטע דאקומענטן צייגן אז סודאן'ס מיליטער האט פראדוצירט און באנוצט קעמיקאלע וואפן
א מאסיווע געליקטע זאמלונג פון אינערליכע מיליטערישע דאקומענטן, ווידעאס, בילדער און אויפגעכאפטע קאמוניקאציעס, שטעלט צו די קלארסטע באווייזן ביז איצט אז סודאן'ס מיליטער האט געבויט און זיך באנוצט מיט קעמיקאלע וואפן דורכאויס די בלוטיגע ציווילע קריג אינעם לאנד. אזוי צייגן באזונדערע אויספארשונגען וואס זענען פארעפנטליכט געווארן דורך די 'וואשינגטאן פאוסט' און די 'ניו יארק טיימס'.
לויט די באריכטן, האט דאס מיליטער גענומען אינדוסטריאלע כלארין (chlorine) - וואס איז ארגינעל געווען באשטימט צו רייניגן טרינק-וואסער - און עס פארוואנדלט אין הונדערטער פרימיטיווע באמבעס וואס מען האט אראפגעווארפן פון די לופטן, ספעציעל דיזיינט צו ברענגען מאקסימום פאטאליטעטן. איין מיליטערישע קאמאנדיר ווערט ציטירט אין די דאקומענטן זאגנדיג אז ביז אקטאבער 2024 זענען שוין פראדוצירט געווארן קרוב צו 300 קעמיקאלע באמבעס, וואס רוב דערפון זענען געהאלטן געווארן ביי די 'מעראווע' עיר בעיס אין צפון סודאן.
מער ווי צוויי צענדליג מערב-וועלט שפיאנאזש באאמטע, קעמיקאלע וואפן אינספעקטארן און עקספערטן האבן איבערגעקוקט די מאטעריאלן און באשטעטיגט אז זיי זענען קראנט און גלויבוידיג.
די דאקומענטן אידענטיפיצירן א הויכראנגיקער אפיציר, טאריק מאדאני, אלס דער הויפט ארכיטעקט פונעם פראגראם. מאדאני איז שוין געווארן סאנקציאנירט דורך די אמעריקאנער טרעזשערי דעפארטמענט אין יוני פאר זיין ראלע אין אנפירן א קאמפאני אין סודאן וואס האט אימפארטירט אויפרייס-מאטעריאלן פון עגיפטן און אינדיע.
איין באזונדערע שוידערליכע מעסידזש וואס ווערט דערמאנט אין די באריכטן, צייגט א ווידעא פון א קרבן מיט שווערע בראנד-וואונדן וואס איז געשיקט געווארן צו אן אפיציר וואס איז געווען פארמישט אין די לופט-אטאקעס, מיט די קעפשן: "דיין קאכן". דיגיטאלע עקספערטן פון קאלאראדא און מישיגען אוניווערסיטעטן האבן אונטערגעזוכט די ווידעאס און אודיא און באשטעטיגט אז זיי זענען נישט פאלש אדער מאניפולירט געווארן.
די יוניסעף (UNICEF) ארגאניזאציע, וועמענס כלארין סופלייען זענען אנגעבליך פארכאפט געווארן פאר דעם צוועק, האט רעאגירט אז זיי האבן נישט קיין רעקארד אז זייערע מאטעריאלן זענען מיסברויכט געווארן, און האבן אונטערגעשטראכן אז זייערע שיפמענטס זענען בלויז געווען געצילט פאר וואסער זיכערהייט.
פרואוון צו פארדעקן די שפורן
די געליקטע מאטעריאלן צייגן אויך א קלארע פרואוו דורך די סודאנעזע מיליטערישע פירערשאפט צו פארדעקן דעם פראגראם נאכדעם וואס אמעריקע האט ארויפגעלייגט סאנקציעס. אויפגעכאפטע קאמוניקאציעס צייגן ווי דער הויפט גענעראל, אבדעל פאטאח אל-בורהאן, האט באפוילן זיינע אונטערטאנען צו "אפראמען אלע שפורן" פון די קעמיקאלע וואפן. איין מעסידזש פון סעפטעמבער 2025 האט פארזיכערט דעם גענעראל אז א מיליטערישע באזע איז געווארן אינגאנצן אויסגערייניגט פון סיי וועלכע איבערבלייבענישן.
דאס סודאנעזע מיליטער לייקנט פובליק אז זיי האבן סיי ווען אנטוויקלט אדער גענוצט קעמיקאלע וואפן. זיי האבן אפילו דורכגעפירט אן "אינערליכע אויספארשונג" וואס האט - פארשטייט זיך - נישט געפינען קיין שום באווייזן, אבער די נייע דאקומענטן צייגן אז דער זעלבער מאדאני האט אליין אנגעפירט מיט די דאזיגע אויספארשונג. די אמעריקאנער רעגירונג האט שוין סאנקציאנירט בורהאן אין יאנואר 2025, און די סטעיט דעפארטמענט האט אפיציעל באשטעטיגט אין אפריל 2025 אז סודאן האט זיך באנוצט מיט קעמיקאלע וואפן, וואס האט געפירט צו פרישע סאנקציעס מיט עטליכע מאנאטן צוריק.
די גרעסטע הומאניטארישע קריזיס
די דריי-יעריגע ציווילע קריג אין סודאן צווישן דאס מיליטער און די קעגנערישע RSF קראפטן האט שוין פאראורזאכט דאס וואס די יו-ען רופט אן די וועלט'ס גרעסטע הומאניטארישע קריזיס. מיליאנען זענען פארטריבן געווארן פון זייערע היימען און א געשאצטע 20 מיליאן מענטשן פנים'ען א שווערע הונגער.
די באנוץ פון כלארין גאז, וואס איז א דירעקטע פארלעצונג פון אינטערנאציאנאלע קעמיקאלע וואפן אפמאכן, לייגט צו א פרישע שוידערליכע דימענסיע צו א קאנפליקט וואס איז שוין ממילא אנגעפילט מיט ברוטאלע אכזריות פון ביידע זייטן. מענטשנרעכט ארגאניזאציעס און אינטערנאציאנאלע עקספערטן פאדערן אן אומאפהענגיגע אויספארשונג אויפ'ן ארט, כאטש וואס דאס מיליטער לאזט דערווייל קיינעם נישט צוקומען צו די אנגעטראפענע ערטער.