קראקדאון אויף גאלד מינעס: קאלאמבישע כוחות פארניכטן 12 עקסקעוועיטארס ביי אומלעגאלע מינע אפעראציעס פון די פארק רעבעלן
גאלערי
ווידעאס
בס"ד
קאלאמביע: זיכערהייט קרעפטן פארניכטן ריזיגע אומלעגאלע גאלד-מינע אפעראציע פון לאקאלע רעבעלן גרופע
קאלאמבישע זיכערהייט קרעפטן האבן דורכגעפירט א מאסיווע אפעראציע און צעשמעטערט א גרויסע אומלעגאלע גאלד-מינע נעצווערק אין אטאקא, טאלימא. ביי די אקציע, וואס איז דורכגעפירט געווארן אינאיינעם דורך די נאציאנאלע פאליציי, די ארמיי און די לופט-פלאטע, זענען פארניכטעט געווארן 12 עקסקאוועיטארס און 10 מינע-לאגערן וועלכע זענען געווען סטאנציאנירט נעבן דעם סאלדאנא טייך.
די ציל פון די אפעראציע איז געווען אפצושטעלן די מינע אקטיוויטעטן וואס זענען לויט באריכטן פארבינדן צו די 'דזשעראנימא גאליאנא פראנט', אן אפגעטיילטע פראקציע פון די באקאנטע 'FARC' רעבעלן גרופע, וועלכע אפערירט אונטער די פירערשאפט פון איוואן מארדיסקא.
לויט די אויטאריטעטן, האט די אומלעגאלע נעצווערק ארויסגעגראבן ארום 7.3 קילאגראם גאלד יעדן חודש, וואס האט אריינגעברענגט א געשאצטע ווערד פון איבער 3.087 ביליאן קאלאמבישע פעסאס. די מאשינערי וואס איז חרוב געווארן ביי די רעיד ווערט געשאצט אויף ארום 6.6 ביליאן קאלאמבישע פעסאס, וואס צייגט אויף א ריזיגע אינוועסטמענט אין די מינע אינפראסטרוקטור.
אין ווידעא קליפס וואס זענען ארויסגעגעבן געווארן נאך די אפעראציע, קען מען זען ווי שווערע טראקטארן און מאשינערי ווערן אריינגעשטיפט אינעם טייך, נאכגעפאלגט מיט מעכטיגע אויפרייסן און פייערן וואס האבן פארברענט די געביידעס און עקוויפמענט וואס זענען גענוצט געווארן פאר די אומלעגאלע גראבונגען.
באאמטע האבן אראפגעלייגט די אקציע אלס א דירעקטע שריט צו צעשטערן די פינאנציעלע קוואלן וואס שטיצן באוואפנטע קרימינאלע גרופעס, אנווייזנדיג אז די אומלעגאלע גאלד גראבונגען ברענגט אריין גרויסע געלטער פאר ארגאניזאציעס וואס געבן זיך אפ מיט דראג-שמוגלעריי און אנדערע פארברעכנס. אויסער די טעראר פינאנצירונג, ברענגט די אומלעגאלע גראבונגען ביים טייך ערנסטע ענווייראמענטאלע זארגן, וויבאלד עס קען פירן צו קאנטאמינאציע און שאדן מאכן פאר די וואסערן און די ארומיגע נאטור.
די רעגירונג באאמטע האבן אנגעוויזן אז דאס צעשטערן די מינע אינפראסטרוקטור איז א שווערע קלאפ פאר די קרימינאלע אפעראציעס. אבער, די באשלוס צו אינגאנצן פארניכטן די טייערע מאשינערי אנשטאט עס קאנפיסקירן און איבערנעמען פאר רעגירונג געברויכן, האט ארויסגערופן פראגעס ביי טייל מענטשן וואס האבן געזען די ווידעאס.
די מעלדונג פון די אויטאריטעטן האט נישט איבערגעגעבן קיין פרישע דעטאלן איבער ארעסטן, קלאגעס, אדער פלענער וויאזוי צו פארריכטן די שאדנס צום ענווייראמענט אינעם געגנט. פונדעסטוועגן, ברענגט די אפעראציע א פרישע אויפמערקזאמקייט צו די פארבינדונג צווישן אומלעגאלע מינע גראבונגען, באוואפנטע גרופעס, און די פינאנציעלע רעסורסן וואס האלטן אן קאלאמביע'ס כסדר'דיגע זיכערהייט פראבלעמען.
קאלאמביע: זיכערהייט קרעפטן פארניכטן ריזיגע אומלעגאלע גאלד-מינע אפעראציע פון לאקאלע רעבעלן גרופע
קאלאמבישע זיכערהייט קרעפטן האבן דורכגעפירט א מאסיווע אפעראציע און צעשמעטערט א גרויסע אומלעגאלע גאלד-מינע נעצווערק אין אטאקא, טאלימא. ביי די אקציע, וואס איז דורכגעפירט געווארן אינאיינעם דורך די נאציאנאלע פאליציי, די ארמיי און די לופט-פלאטע, זענען פארניכטעט געווארן 12 עקסקאוועיטארס און 10 מינע-לאגערן וועלכע זענען געווען סטאנציאנירט נעבן דעם סאלדאנא טייך.
די ציל פון די אפעראציע איז געווען אפצושטעלן די מינע אקטיוויטעטן וואס זענען לויט באריכטן פארבינדן צו די 'דזשעראנימא גאליאנא פראנט', אן אפגעטיילטע פראקציע פון די באקאנטע 'FARC' רעבעלן גרופע, וועלכע אפערירט אונטער די פירערשאפט פון איוואן מארדיסקא.
לויט די אויטאריטעטן, האט די אומלעגאלע נעצווערק ארויסגעגראבן ארום 7.3 קילאגראם גאלד יעדן חודש, וואס האט אריינגעברענגט א געשאצטע ווערד פון איבער 3.087 ביליאן קאלאמבישע פעסאס. די מאשינערי וואס איז חרוב געווארן ביי די רעיד ווערט געשאצט אויף ארום 6.6 ביליאן קאלאמבישע פעסאס, וואס צייגט אויף א ריזיגע אינוועסטמענט אין די מינע אינפראסטרוקטור.
אין ווידעא קליפס וואס זענען ארויסגעגעבן געווארן נאך די אפעראציע, קען מען זען ווי שווערע טראקטארן און מאשינערי ווערן אריינגעשטיפט אינעם טייך, נאכגעפאלגט מיט מעכטיגע אויפרייסן און פייערן וואס האבן פארברענט די געביידעס און עקוויפמענט וואס זענען גענוצט געווארן פאר די אומלעגאלע גראבונגען.
באאמטע האבן אראפגעלייגט די אקציע אלס א דירעקטע שריט צו צעשטערן די פינאנציעלע קוואלן וואס שטיצן באוואפנטע קרימינאלע גרופעס, אנווייזנדיג אז די אומלעגאלע גאלד גראבונגען ברענגט אריין גרויסע געלטער פאר ארגאניזאציעס וואס געבן זיך אפ מיט דראג-שמוגלעריי און אנדערע פארברעכנס. אויסער די טעראר פינאנצירונג, ברענגט די אומלעגאלע גראבונגען ביים טייך ערנסטע ענווייראמענטאלע זארגן, וויבאלד עס קען פירן צו קאנטאמינאציע און שאדן מאכן פאר די וואסערן און די ארומיגע נאטור.
די רעגירונג באאמטע האבן אנגעוויזן אז דאס צעשטערן די מינע אינפראסטרוקטור איז א שווערע קלאפ פאר די קרימינאלע אפעראציעס. אבער, די באשלוס צו אינגאנצן פארניכטן די טייערע מאשינערי אנשטאט עס קאנפיסקירן און איבערנעמען פאר רעגירונג געברויכן, האט ארויסגערופן פראגעס ביי טייל מענטשן וואס האבן געזען די ווידעאס.
די מעלדונג פון די אויטאריטעטן האט נישט איבערגעגעבן קיין פרישע דעטאלן איבער ארעסטן, קלאגעס, אדער פלענער וויאזוי צו פארריכטן די שאדנס צום ענווייראמענט אינעם געגנט. פונדעסטוועגן, ברענגט די אפעראציע א פרישע אויפמערקזאמקייט צו די פארבינדונג צווישן אומלעגאלע מינע גראבונגען, באוואפנטע גרופעס, און די פינאנציעלע רעסורסן וואס האלטן אן קאלאמביע'ס כסדר'דיגע זיכערהייט פראבלעמען.