שרעק אויף די לופט: פינף האוסטס אנטלויפן אינמיטן א שאו בשעת א מאסיווע ערד ציטערניש אין פאנאמע
גאלערי
ווידעאס
מעכטיגע 7.7 ערדציטערניש טרייסלט אויף פאנאמא; לעבעדיגע טעלעוויזיע פראגראם איבערגעריסן ווען פאנעל אנטלויפט אין פאניק
א מעכטיגע ערדציטערניש מיט א שטארקייט פון 7.7 האט אקטאבער 9, 2026, אויפגעטרייסלט פאנאמא, איבערלאזנדיג כאאס און פאניק איבער'ן גאנצן לאנד. די שרעקעדיגע מאמענטן זענען מיטגעהאלטן געווארן לייוו אויף טעלעוויזיע, ווען פינף קאמענטאטארן אויף א ספארטס פראגראם פון 'Deportes RPC' אין די שטאט סאנטיאגא דע וועראגואס זענען פלוצלינג אויפגעשפרינגען פון זייערע בענקלעך און אנטלאפן פונעם סטודיא ווי נאר די ערד האט אנגעהויבן זיך צו ווארפן.
צושויער האבן מיטגעהאלטן אין ריעל-טיים ווי די גאסטגעבער און געסט רייסן זיך ארויס אינמיטן א שמועס, איבערלאזנדיג די מייקראפאנען הענגען און א ליידיגע סטודיא, בשעת מען האט געקענט זען אויפ'ן סקרין ווי פלעשער און אנדערע חפצים טרייסלען זיך ארום.
די ערדציטערניש, וואס איז לכתחילה געשאצט געווארן אויף אן 8.0 שטארקייט דורך די אמעריקאנער 'USGS' אגענטור בעפאר עס איז אראפגערוקט געווארן צו 7.7, האט פאסירט גאנץ אויבנאויף, בערך 12.6 קילאמעטער טיף, נעבן די אזוערא האלב-אינזל. דאס ווערט פאררעכנט אלס די שטארקסטע ערדציטערניש אין פאנאמא אין צענדליגע יארן.
די מעכטיגע טרייסלונגען זענען געשפירט געווארן איבער'ן גאנצן לאנד און אין די ארומיגע ראיאנען. לויט די באריכטן זענען אמווייניגסטנס 27 מענטשן פארוואונדעט געווארן, און עס זענען דא לאקאלע באריכטן איבער איינגעפאלענע געביידעס, כאטש דערווייל זענען ברוך השם נישט באשטעטיגט געווארן קיין טויטפעלער.
דער פאקט וואס די ערדציטערניש האט פאסירט אזוי נאנט צום אויבערפלאך האט פארשטארקט די שאדנס נעבן דעם עפיצענטער, פירנדיג צו סטרוקטוראלע שאדנס אין עטליכע פראווינצן, ווי אויך זענען געווען ברייטע פאוער אוטעדזשעס און צייטווייליגע שטרורונגען אין טיילן פונעם לאנד.
עמערדזשענסי טיעמס זענען שנעל ארויסגערופן געווארן אפצושאצן די שאדנס ביי איינגעפאלענע הייזער, חרוב'ע האטעלן, קלויסטערס און רעגירונגס געביידעס, ספעציעל אין די געגנטער נעבן די אזוערא האלב-אינזל. דערווייל האבן די אויטאריטעטן באשטעטיגט אז די באקאנטע 'פאנאמא קאנאל' גייט אן ווי געהעריג, און די גרויסע עירפארטס האבן צוריק אנגעהויבן זייערע פליגער רייזעס נאך א קורצע אפשטעל, וואס דאס האט געהאלפן פארמיידן א גרעסערע עקאנאמישע קריזיס.
נאכווייען פון די ערדציטערניש (אפטערשאקס), אריינגערעכנט איין מעכטיגע טרייסלונג פון 6.6, האט געהאלטן די איינוואוינער אויף שפילקעס פאר עטליכע שעה, ווען מער ווי 80 קלענערע טרייסלונגען זענען נאכגעפאלגט.
די לייוו טעלעוויזיע בילדער פון סאנטיאגא דע וועראגואס, וואס געפינט זיך בערך 60 קילאמעטער פונעם עפיצענטער, איז געווארן איינע פון די מערסט-געטיילטע קליפס פונעם טאג, געבנדיג א לעבעדיגע בליק וויאזוי די נאטור קען פלוצלינג איבערדרייען דעם טאג-טעגליכן לעבן און כאפן אפילו פראפעסיאנאלע בראדקעסטערס אין די פרישע טריט.
א מעכטיגע ערדציטערניש מיט א שטארקייט פון 7.7 האט אקטאבער 9, 2026, אויפגעטרייסלט פאנאמא, איבערלאזנדיג כאאס און פאניק איבער'ן גאנצן לאנד. די שרעקעדיגע מאמענטן זענען מיטגעהאלטן געווארן לייוו אויף טעלעוויזיע, ווען פינף קאמענטאטארן אויף א ספארטס פראגראם פון 'Deportes RPC' אין די שטאט סאנטיאגא דע וועראגואס זענען פלוצלינג אויפגעשפרינגען פון זייערע בענקלעך און אנטלאפן פונעם סטודיא ווי נאר די ערד האט אנגעהויבן זיך צו ווארפן.
צושויער האבן מיטגעהאלטן אין ריעל-טיים ווי די גאסטגעבער און געסט רייסן זיך ארויס אינמיטן א שמועס, איבערלאזנדיג די מייקראפאנען הענגען און א ליידיגע סטודיא, בשעת מען האט געקענט זען אויפ'ן סקרין ווי פלעשער און אנדערע חפצים טרייסלען זיך ארום.
די ערדציטערניש, וואס איז לכתחילה געשאצט געווארן אויף אן 8.0 שטארקייט דורך די אמעריקאנער 'USGS' אגענטור בעפאר עס איז אראפגערוקט געווארן צו 7.7, האט פאסירט גאנץ אויבנאויף, בערך 12.6 קילאמעטער טיף, נעבן די אזוערא האלב-אינזל. דאס ווערט פאררעכנט אלס די שטארקסטע ערדציטערניש אין פאנאמא אין צענדליגע יארן.
די מעכטיגע טרייסלונגען זענען געשפירט געווארן איבער'ן גאנצן לאנד און אין די ארומיגע ראיאנען. לויט די באריכטן זענען אמווייניגסטנס 27 מענטשן פארוואונדעט געווארן, און עס זענען דא לאקאלע באריכטן איבער איינגעפאלענע געביידעס, כאטש דערווייל זענען ברוך השם נישט באשטעטיגט געווארן קיין טויטפעלער.
דער פאקט וואס די ערדציטערניש האט פאסירט אזוי נאנט צום אויבערפלאך האט פארשטארקט די שאדנס נעבן דעם עפיצענטער, פירנדיג צו סטרוקטוראלע שאדנס אין עטליכע פראווינצן, ווי אויך זענען געווען ברייטע פאוער אוטעדזשעס און צייטווייליגע שטרורונגען אין טיילן פונעם לאנד.
עמערדזשענסי טיעמס זענען שנעל ארויסגערופן געווארן אפצושאצן די שאדנס ביי איינגעפאלענע הייזער, חרוב'ע האטעלן, קלויסטערס און רעגירונגס געביידעס, ספעציעל אין די געגנטער נעבן די אזוערא האלב-אינזל. דערווייל האבן די אויטאריטעטן באשטעטיגט אז די באקאנטע 'פאנאמא קאנאל' גייט אן ווי געהעריג, און די גרויסע עירפארטס האבן צוריק אנגעהויבן זייערע פליגער רייזעס נאך א קורצע אפשטעל, וואס דאס האט געהאלפן פארמיידן א גרעסערע עקאנאמישע קריזיס.
נאכווייען פון די ערדציטערניש (אפטערשאקס), אריינגערעכנט איין מעכטיגע טרייסלונג פון 6.6, האט געהאלטן די איינוואוינער אויף שפילקעס פאר עטליכע שעה, ווען מער ווי 80 קלענערע טרייסלונגען זענען נאכגעפאלגט.
די לייוו טעלעוויזיע בילדער פון סאנטיאגא דע וועראגואס, וואס געפינט זיך בערך 60 קילאמעטער פונעם עפיצענטער, איז געווארן איינע פון די מערסט-געטיילטע קליפס פונעם טאג, געבנדיג א לעבעדיגע בליק וויאזוי די נאטור קען פלוצלינג איבערדרייען דעם טאג-טעגליכן לעבן און כאפן אפילו פראפעסיאנאלע בראדקעסטערס אין די פרישע טריט.