כי אורך ימים ושנות חיים יוסיפו לו: היינט י''ט אדר ווערט אפגעצייכענט ביי חסידי פרמישלאן די פינף און זעכציגסטע יום הבהיר פון רבם ומאורם כ"ק האדמו"ר מפרמישלאן שליט"א,יאריך ימים על ממלכתו.

 הרה"ק רבי יעקב מאיר שעכטער שליט"א האט דעם מוצאי שבת אויפגעטרעטן ביים מסיבת מלוה מלכה דורך ארגון 'תפארת בחורים

הגה"צ ראש ישיבת תולדות אהרן שליט"א האט היינט באזוכט כ"ק אדמו"רים מסאטמאר מהר"יי תולדות צבי דספינקא און דינוב.

הגר"ש ראבינאוויטש די רב הכותל האט דעם מוצאי שבת באזוכט ביי האדמו"ר מתולדות אברהם יצחק

האדמו"ר מראחמיסטריווקא וויליאמסבורג האט אין די טעג באזוכט  ביי האדמו"ר מסאטמאר מהר"א

האדמו"ר מסאטמאר מהר"א שליט"א האט נעכטן אפגעשטאט א באזוך ביי  די בוי ארבעט אין בית מדרש החדש 'לב אהרן' אויף סאוט 8 אין וומסב''ג.

האדמו"ר מבוהוש וואס נעמט געווענטליך נישט אנטייל אין די ארטיגע וואלן האט געהייסן די חסידים וועלן פאר ’עץ’ די פארטיי פון די ליטווישע פלג הירושלמי קרייזן. (JD Media)

(קרעדיט: אידישע נייעס טעלעגראם)

 געשענישן בחצר הקודש סאטמאר מהר"א שליט''א דינסטאג האט געדאווענט שחרית אין ביהמ"ד עצי חיים סיגוט שע"י ביתו נאוה קודש.איידער תפילת שחרית איז פארגעקומען א ברית לבן הנולד אצל ר' חיים מארמארשטיין הי"ו, ווי דער רבי איז געווען סנדק ומוהל.

פארן דאווענען האט דער רבי תפילין געלייגט פאר די בר מצוה בחורים. בן הר"ר יואל מייזליש שליט"א בן הגה"צ אב"ד ווייטצען שליט"א. ב"ר יודא שלמה פריעדמאן הי"ו.ב"ר ישראל מאיר קאהן הי"ו. ב"ר שמעון סאנדער הי"ו.ב"ר יואל מערץ הי"ו. ב"ר יוסף גאלדבערגער הי"ו. ב"ר משה אברהם יעקב ראטה הי"ו. נאכן דאווענען איז פארגעקומען א לחיים מיט די בר מצוה בחורים בהיכל הביהמ"ד.

אין די פארמיטאג שעה'ן איז די רבי  שליט''א אריבער אויף א באזוך אין די מצה בעקעריי דקהלתינו הק', דער רבי האט באטראכט די ארבייט אין באגלייטונג פונעם מנהל בית האופה ר' ברוך יודא שפיטצער הי"ו און מיט געהאלטן דעם סדר האפיה און דערנאך ביים אויווען, דאן האט דער רבי מפריש געווען חלה און דערנאך אריבער זיך אומקוקן אינעם סטארעדזש און ביי די מעהל אפטיילונג ווי דער רבי האט באטראכט דעם סיסטעם פון מאלן די ווייץ און זופן די מעל. 

פון דארט איז דער רבי אריבער צום בנין בית מדרשינו החדש לב אהרן ווי דער רבי האט זיך אומגעקוקט מיט א קורת רוח אויף די בוי ארבעט און געהערט א באריכט פון די חברי הנהלת קרן הבנין ר' אהרן ווייס הי"ו ר' חיים הערש שווארטץ הי"ו און ר' יואל לעפקאוויטש הי''ו, ובמיוחד פון די געטרייע חשובע עסקנים צום גמר הבנין ר' חיים הערש סעגעדין הי"ו און ר' יואל ברי"מ פריעדמאן הי"ו, דער רבי איז ארום געגאנגן בטירחא דגופא און באטראכט די שטאקן פונעם בנין ביהמ"ד און די מקוה, און אויסגעדריקט זיין האפענונג צו זעהן דעם ביהמ"ד מפואר - די זעקסטע ביהמ"ד שע"י קהלתינו הק' אין וומסב"ג - על תילה בנוי'ה, און מאציל געווען מברכת קדשו אז מ'זאל קענען ענדיגן דעם מלאכת הבנוי' בכי טוב, און א ברכת הצלחה מ'זאל קענען גרינג שאפן די נויטיגע פאנדן צו דעקן דעם פראיעקט.

דערנאך האט דער רבי מנחם אבל געווען משפחת הרה"ח ר' ישראל יאקאב ע"ה. 

די רבי שליט''א האט געדאווענט מנחה ארום 6:10, און מעריב ארום 7:40 בביתו נאוה קודש אויף היוז סט.

זמני כניסה בקו''פ איז געווען פון ארום 8:00 ביז 11:10 אויפדערנאכט, בביתו נאוה קודש אויף היוז סט.

ארום 9:10 איז די סאטמארע רבי שליט''א אראפ אין ביהמ"ד עצי חיים סיגוט צו די שמחת השבע ברכות בחצרות קדשנו צוגעשטעלט דורך די מתפללי הביהמ"ד לכבודו פון רבין שליט''א ובנו הגה"צ אב"ד סיגוט שליט"א,  

   דער רבי האט געטרינקן לחיים און אנגעוואונטשן פארן חתן, מחותנים, און פארן גאנצן ציבור, און משמיע געווען קורצע דב"ק בעניני שמחת חתן כלה און מסיים געווען בברכת קדשו, דערנאך האט זיך דער רבי ארויסגעלאזט אין א טאנץ מיטן חתן און מיט הגה"צ אב"ד סיגוט שליט"א.

דערנאך איז דער רבי צוריק ארויף לביתו נאוה קודש און ווייטער ממשיך געווען אויפנעמען דעם ציבור.נאך די זמני כניסה איז די רבי  שליט"א אריבער געפארן קיין בארא פארק צו די שמחת החתונה פון חתן כלה נכדי רביה"ק בעל ברך משה זיע''א החתן בן הגה"צ רבי שלמה רובין שליט"א אב''ד ציעשנוב קר''י בן הגה"צ אבד''ק ציעשנוב שליט"א וחתן הגה"צ אבד''ק מאנטרעאל שליט"א, עב"ג הכלה בת הרה''ג ר' זלמן לייב מייזליש שליט"א מו"ץ בקהלתינו הק' ב"פ בן הגה"צ אבד''ק ב"פ שליט"א, אין די זאלן פון עטרת גאלדא אין ב"פ.דער רבי איז אנגעקומען ארום 11:35, און זיך באגריסט מיט די רבנים אויפן אויבן אן, דער רבי האט געטרינקן לחיים און אנגעוואונטשן פארן חתן און מחותנים, און בדחנא דמלכא הרה"ח ר' מרדכי דוד עסטרייכער הי"ו אויסגערופן רבינו שליט"א צום מצוה טאנץ, 

רבינו שליט"א האט אפגעראכטן די ריקודי קודש און געטאנצען מצוה טאנץ לפני הכלה, און דערנאך געטאנצען מיטן חתן און מחותנים, און מיט גיסיו הגה"צ אבד''ק ב"פ און אבד"ק מאנטריאל שליט"א און מיט כ"ק אדמו"ר מספינקא שליט"א.

אויפן וועג ארויס האט די רבי שליט"א אנגעוואונטשן די כלה כנהוג.נאך די חתונה איז רבי שליט"א אריבער צום נייעם פראכטפול פארענדיגטן פלייש געשעפט דקהלתינו הק' אויף 13'טע עוו, אינטער די פירערשאפט פון הרה"ח ר' יואל לאנדא הי"ו, דער רבי האט מיט א קורת רוח געהערט א באריכט פון ר' יואל הי"ו און זיך אומגעקוקט א לענגערע צייט אין אלע אפטיילונגען אויף ביידע שטאקן פונעם גאנצע געשעפט, און ווארעם אנגעוואונטשן פאר הרה"ח ר' יואל הי"ו אסאך הצלחה און סייעתא דשמיא אויף ווייטער. דערנאך האט זיך די רבי  שליט"א אומגעקערט לביתו נאוה קודש אין קרית יואל.

(קרעדיט: סאטמאר'ע נייעס)

סאטמאר - משכנות הרועים - בית אהרן: היינט קומט פאר די חתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין איידעם הגה"צ ר' אלעזר טייטלבוים שליט"א, זון פון הגה"צ אבד"ק בית אהרן שליט"א, מיט די חתן א זון פון הגה"צ ר' יוסף קאהן שליט"א, זון פון הגה"צ ר' משה קאהן שליט"א ראש ישיבת תולדות אהרן, און איידעם ביי כ"ק אדמו"ר ממשכנות הרועים שליט"א, עס קומט פאר אין בית מדרש הגדול סאטמאר אין וויליאמסבורג.

***

ויזניץ: היינט נאכט כ' אדר א' געפאלט די יומא דהילולא קדישא פון הרה"ק בעל ישועות משה מוויזניץ זי"ע, בניו האדמורי"ם שליט"א וועלן אפרעכטן די סעודת הילולא בבתי מדרשם.

***

סקווירא - ויזניץ - מאגרוב: היינט קומט פאר די בר מצווה פון א אור אייניקל ביי כ"ק אדמו"ר מסקווירא שליט"א, אייניקל ביי בנו הרה"צ רבי יצחק טווערסקי איידעם ביי מרן אדמו"ר מוויזניץ שליט"א, בן לחתנו הרב איתמר כץ בן הגה"צ אב"ד מאגרוב שליט"א, עס קומט פאר אין ביהמ"ד הגדול אין שיכון סקווירא

***

קארלין סטאלין - סאווראן - רחמסטריווקא: היינט קומט פאר די חתונה פון החתן בן כ"ק אדמו"ר מסאווראן שליט"א פון הר נוף, מיט די כלה אן אייניקל ביי כ"ק אדמו"ר מקארלין סטאלין שליט"א, בת לבנו הרה"צ ר' ישראל חיים שוחט רב חסידי קארלין סטאלין אין מודיעין עילית איידעם ביי הרה"צ ר' מנחם נחום טווערסקי זצ"ל מרחמסטריווקא, עס קומט פאר אין די גרויסע היכל טוטו אין חולון

***

קאפיטשניץ: היינט קומט פאר די חתונה פון החתן אייניקל ביי כ''ק אדמו''ר מקאפיטשניץ שליט''א בן לחתנו הרה''ג רבי ישראל שטראלי פון אנטווערפען זוהן פון הנגיד החסיד ר' משה שטראלי מיט די כלה א טאכטער פון הרבני הנגיד ר' שלום צבי בערגער פון לאנדאן זוהן פון הנגיד ר' יחזקאל בערגער, עס קומט פאר אין זאל רעקודיום אין לאנדאן

***

קאסאן - וואודרידזש - סעמיהאי ב"פ - חאליוב: היינט קומט פאר די חתונה פון א חתן אייניקל ביי כ"ק אדמו"ר מקאסאן שליט"א, א זון פון זיין זון הרה"צ ר' אברהם ברוך ראטטענבערג שליט"א, איידעם ביי הגה"צ אבד"ק חאליוב שליט"א, מיט די כלה א טאכטער פון הרה"ג ר' יחזקאל גרינפעלד שליט"א, זון פון הגה"צ אבד"ק סעמיהאי ב"פ שליט"א, און איידעם ביי הגה"צ גאב"ד וואודרידזש שליט"א, עס קומט פאר אין זאל תפארת מרדכי אין בארא פארק

***

בעלזא: הרה"צ רבי אברהם שמואל רוקח אייניקל פון כ"ק אדמו"ר מבעלזא שליט"א קומט היינט אן אויף א געהויבענע באזוך אין בארא פארק בקרב חסידי בעלזא

******

(קרעדיט JCN)