א חשוב'ע משלחת מטעם ועד השחיטה דקהל יטב לב איז דעם היינטיגן דינסטאג אראפגעפארן קיין שיקאגא, אפצושטאטן א באזוך זיך אומצוקוקן אויף דעם איבערגעפרישטן פלייש פלענט וואו עס ווערן געשאכטן די גסות.

אין שפיץ פונעם משלחת איז געווען הגה"צ רבי לייבוש פריעדמאן שליט"א, חבר הביד"ץ דקהלתינו הק' ומרבני ועד השחיטה, אינאיינעם מיט הרה"ג ר' מאיר ראטטענבערג שליט"א, משגיח מטעם ועד השחיטה, און הרה"ג ר' שלמה באש שליט"א מו"ץ.

ביים באזוך איז אויך אנוועזנד געווען דער בעל מכשיר פונעם פלענט הגה"צ אב"ד נירבאטור שליט"א, וועלכער שטייט צו הילף לטובת "סאטמאר פלייש" אויסצופירן אלע חומרות והידורים, צוצושטעלן פאר חברי קהלתינו הקדושה די מערסט מהודר'דיגע פלייש בתכלית הכשרות.