כ''ק אדמו"ר מבעלזא שליט''א איז היינט אינדערפרי באפרייט געווארן פונעם 'הדסה' שפיטאל, נאכדעם וואס די באהאנדלונג איז אריבער מיט הצלחה און די דאקטוירים זענען ב"ה צופרידן.

דער ציבור ווערט געבעטן ווייטער ממשיך צו זיין צו מתפלל זיין פאר רפואה שלימה פונעם רבי'ו, רבי ישכר דוב בן מרים.

הרה"צ רבי שלום רוקח שליט''א, דער עלטסטער אייניקל פון כ''ק אדמו"ר מבעלזא שליט''א, איז היינט אינדערפרי געגאנגעו מתפלל זיין אויף די קברים פון די אדמו"רי בית בעלזא אין אוקראינע, פאר די רפואה פון זיין זיידן דער רבי שליט"א, וועלכער איז באפרייט געווארן פון שפיטאל ממש אין די זעלבע שעות.

זעט אינעם גאלעריע: כ"ק אדמו"ר מבעלזא שליט"א ביים תקיעת שופר היינט נאך שחרית, במעונו הקודש.

היינט ביינאכט ארום 10:00 איז פארגעקומען א קבלת קהל אין בעלזא ספעציעל פאר די געסט פון חוץ לארץ, וואו דער רבי האט אויפגענומען דעם ציבור אינעם 'גרויסע שטיב'. דערווייל אינדערויסן איז געזיצן דער גבאי הרה"ח ר' שמעון וואלף קליין אינעם פאליש און געשריבן קוויטלעך פארן ציבור.

עס איז דא א טויש היי יאר אין ישיבת ‘קול תורה’ דער לאנג יעריגער חזן פאר די ימים נוראים, הגאון רבי ישעיהו ראטענבערג, וועט נישט צוגיין צום עמוד. אנשטאט אים וועט דאווענען דער זון פון הגאון רבי רפאל וואלפין.

הגה"צ רבי חיים מאיר האגער שליט''א, אב"ד וויזשניץ, וועט היינט ביינאכט אפרעכטן א גרויסע התוועדות פאר אלע אינגעלייט פון די חסידות.

דער שער בלאט פון די וויזניצער אויסגאבע 'קשר איתן' פאר ראש השנה, פובליצירט דעם רמז וואס כ''ק אדמו"ר מוויזשניץ שליט"א האט געזאגט אויפן נייעם יאר: תשפ"ז - ת'מיד ש'טענדיג פ'רייליך ז'יין!

כ''ק אדמו"ר מקאזשניץ שליט''א פון תל אביב באשיינט דעם שער בלאט פונעם 'משפחה' מאגאזין.

אין ביתר איז ארויסגעקומען א בריוו צו די פרויען פון די קהילה, אז מען זאל קויפן קליידער בלויז אין 6 ספעציפישע געשעפטן וואס זענען באשטעטיגט געווארן דורך דעם מרא דאתרא.

אין אן אומגעווענליכן און זעלטענעם שריט, איז ערווארטעט אז הגה"ר שלום בער סאראצקין שליט''א וועט היי יאר וויילן אויף ראש השנה אין אומאן.

די תלמידים פון ישיבה קטנה וויזשניץ אין הר נוף זענען היינט געווארן פארהערט ביים פוסק הדור הגאון ר' משה שטערנבוך שליט"א.

אין חסידות מעזשביזש זוכט מען אז עמיצער זאל קויפן א טישו האלטער פארן רבי'ן לקראת די קומענדיגע ימים טובים.

צוליב א מאנגל אין פלאץ אינעם סלאנימער בית המדרש אין מאה שערים, האט מען אויפגעשטעלט א ריזיגן שאטער פאר די בחורים. אין די לעצטע שעה איז טעלעפאניש געמאלדן געווארן, אז דער רבי וועט דאווענען אינעם שאטער אינאיינעם מיט די בחורים, און נישט אינעם גרויסן בית המדרש מיט די אינגעלייט.