40 חב"ד בחורים באפרייט נאכן ווערן פארהאלטן אין בן גוריון לופטפעלד; צוויי אפגעשיקט אין מיליטערישע טורמע
גאלערי
ווידעאס
בס"ד
דראמא אין בן גוריון עירפארט: 40 חב"ד בחורים באפרייט נאך לאנגע שעות פון ארעסט איבער מיליטער-דינסט; 2 אפגעפירט אין מיליטערישע טורמע
פערציג חב"ד ישיבה בחורים זענען דינסטאג באפרייט געווארן נאך לאנגע שעות פון ווערן פארהאלטן אינעם בן גוריון עירפארט אין ארץ ישראל, צוליב פראבלעמען מיט זייער מיליטער-דינסט סטאטוס. צוויי אנדערע בחורים פון די גרופע זענען לויט באריכטן אפגעפירט געווארן אין א מיליטערישע טורמע.
דער אינצידענט האט זיך אנטוויקלט דעם פארגאנגענעם אקטאבער 20, ווען א גרופע פון 42 חב"ד בחורים זענען אנגעקומען קיין ארץ ישראל, נאכ'ן פארברענגען דאס פריערדיגע יאר מיט לימוד התורה אין קראון הייטס, ברוקלין, נעבן 770 איסטערן פארקוועי.
לויט באריכטן האבן מיליטערישע פאליציי שוין אפגעווארט די גרופע ביים אנקומען. דורכגייענדיג פאספארט קאנטראל, האבן די אויטאריטעטן אידענטיפיצירט די בחורים אלס אזעלכע וואס האבן נישט מסדר געווען זייער פטור פונעם מיליטער, וואס האט געפירט צו זייער ארעסט און אויספארשונג.
לויט ווי עס ווערט באריכטעט אין די חרדי'שע מידיא, זענען די בחורים אויסגעשטאנען שטרענגע מיליטערישע פראצעדורן דורכאויס דעם גאנצן טאג, אינדערצייט וואס מען האט געמאכט העפטיגע שתדלנות צו פארזיכערן זייער באפרייאונג און פארמיידן אז מען זאל זיי אריינזעצן אין תפיסה. חב"ד עסקנים און רבנים זענען תיכף אריינגעקומען אין בילד און זיך אריינגעלייגט אינעם ענין, ארבעטנדיג פלייסיג צו ארויסהעלפן די פארהאלטענע בחורים און זייערע פאמיליעס.
באריכטן געבן אן אז די מיליטערישע אויטאריטעטן האבן אנגעטראגן פאר די בחורים א מעגליכקייט אויסצומיידן טורמע, בתנאי אז זיי הייבן אן די פראצעדורן וואס זענען פארבונדן מיט'ן זיך שטעלן צום מיליטער. ביים ענדע פונעם טאג זענען 40 פון די 42 בחורים באפרייט געווארן, בשעת צוויי זענען לויט באריכטן אפגעפירט געווארן אין די מיליטערישע טורמע.
עס זענען אבער דא פארשידענע ווערסיעס איבער די פונקטליכע תנאים פון זייער באפרייאונג. מיליטערישע קוואלן האבן אנגעגעבן אז די באפרייטע בחורים האבן איינגעשטימט אנצוהייבן דעם פראצעס זיך צו שטעלן, אבער קוואלן אין די חב"ד קהילה האבן געשילדערט א בילד פון שווערע פרעשור וואס מען האט געלייגט אויף די בחורים, און האבן אויפגעברענגט פראגעס איבער די התחייבות וואס מען האט פון זיי פארלאנגט.
דער אינצידענט האט ארויסגערופן גרויס זארג צווישן די חב"ד פאמיליעס און קהילה פארשטייער, בפרט נעמענדיג אין באטראכט אז די בחורים זענען סך הכל צוריקגעקומען פון א יאר אפגעגעבן פאר לימוד התורה אין קראון הייטס. די ארעסטן און שפעטערדיגע באפרייאונג ברענגט נאכאמאל ארויף אויפ'ן אויבערפלאך די אנגייענדיגע שוועריגקייטן מיט וואס ישיבה בחורים טוען זיך ספראווען איבער זייער מיליטער-דינסט סטאטוס.
דערווייל זענען די אומשטענדן ארום די צוויי בחורים וואס זענען פארבליבן אין טורמע, אריינגערעכנט סיי וועלכע ווייטערדיגע לעגאלע פראצעדורן, נישט קלאר.
דראמא אין בן גוריון עירפארט: 40 חב"ד בחורים באפרייט נאך לאנגע שעות פון ארעסט איבער מיליטער-דינסט; 2 אפגעפירט אין מיליטערישע טורמע
פערציג חב"ד ישיבה בחורים זענען דינסטאג באפרייט געווארן נאך לאנגע שעות פון ווערן פארהאלטן אינעם בן גוריון עירפארט אין ארץ ישראל, צוליב פראבלעמען מיט זייער מיליטער-דינסט סטאטוס. צוויי אנדערע בחורים פון די גרופע זענען לויט באריכטן אפגעפירט געווארן אין א מיליטערישע טורמע.
דער אינצידענט האט זיך אנטוויקלט דעם פארגאנגענעם אקטאבער 20, ווען א גרופע פון 42 חב"ד בחורים זענען אנגעקומען קיין ארץ ישראל, נאכ'ן פארברענגען דאס פריערדיגע יאר מיט לימוד התורה אין קראון הייטס, ברוקלין, נעבן 770 איסטערן פארקוועי.
לויט באריכטן האבן מיליטערישע פאליציי שוין אפגעווארט די גרופע ביים אנקומען. דורכגייענדיג פאספארט קאנטראל, האבן די אויטאריטעטן אידענטיפיצירט די בחורים אלס אזעלכע וואס האבן נישט מסדר געווען זייער פטור פונעם מיליטער, וואס האט געפירט צו זייער ארעסט און אויספארשונג.
לויט ווי עס ווערט באריכטעט אין די חרדי'שע מידיא, זענען די בחורים אויסגעשטאנען שטרענגע מיליטערישע פראצעדורן דורכאויס דעם גאנצן טאג, אינדערצייט וואס מען האט געמאכט העפטיגע שתדלנות צו פארזיכערן זייער באפרייאונג און פארמיידן אז מען זאל זיי אריינזעצן אין תפיסה. חב"ד עסקנים און רבנים זענען תיכף אריינגעקומען אין בילד און זיך אריינגעלייגט אינעם ענין, ארבעטנדיג פלייסיג צו ארויסהעלפן די פארהאלטענע בחורים און זייערע פאמיליעס.
באריכטן געבן אן אז די מיליטערישע אויטאריטעטן האבן אנגעטראגן פאר די בחורים א מעגליכקייט אויסצומיידן טורמע, בתנאי אז זיי הייבן אן די פראצעדורן וואס זענען פארבונדן מיט'ן זיך שטעלן צום מיליטער. ביים ענדע פונעם טאג זענען 40 פון די 42 בחורים באפרייט געווארן, בשעת צוויי זענען לויט באריכטן אפגעפירט געווארן אין די מיליטערישע טורמע.
עס זענען אבער דא פארשידענע ווערסיעס איבער די פונקטליכע תנאים פון זייער באפרייאונג. מיליטערישע קוואלן האבן אנגעגעבן אז די באפרייטע בחורים האבן איינגעשטימט אנצוהייבן דעם פראצעס זיך צו שטעלן, אבער קוואלן אין די חב"ד קהילה האבן געשילדערט א בילד פון שווערע פרעשור וואס מען האט געלייגט אויף די בחורים, און האבן אויפגעברענגט פראגעס איבער די התחייבות וואס מען האט פון זיי פארלאנגט.
דער אינצידענט האט ארויסגערופן גרויס זארג צווישן די חב"ד פאמיליעס און קהילה פארשטייער, בפרט נעמענדיג אין באטראכט אז די בחורים זענען סך הכל צוריקגעקומען פון א יאר אפגעגעבן פאר לימוד התורה אין קראון הייטס. די ארעסטן און שפעטערדיגע באפרייאונג ברענגט נאכאמאל ארויף אויפ'ן אויבערפלאך די אנגייענדיגע שוועריגקייטן מיט וואס ישיבה בחורים טוען זיך ספראווען איבער זייער מיליטער-דינסט סטאטוס.
דערווייל זענען די אומשטענדן ארום די צוויי בחורים וואס זענען פארבליבן אין טורמע, אריינגערעכנט סיי וועלכע ווייטערדיגע לעגאלע פראצעדורן, נישט קלאר.