ווי ברייט בארכיטעט, איז דאס יאהר געווען די צווייטע מאל זייט'ן קריג וואס די

יארצייט פונעם אור לשמים זי"ע איז אפגעראכטן געווארן דורך א גרויסע ציבור

חסידים ואנשי מעשה ביים ציון הקדוש אין שטאט אפטא יצ"ו וואו ס'איז געווען

צוגעשטעלט דורך די 'ועד להצלת בית החיים אפטא' אלע נויטיגע צוגעהערן ווי

מניני שחרית מנחה מעריב, סעודות הילולא, כיבוד קל און לחיים ביד רחבה.

דורכאויס די מעת לעת האבן זיך אדורכגעדרייט ביים ציון הקדוש אן ערך פון

500 אידן וואס זענען געקומען מכל קצבי תבל צו מתפלל זיין און פועל'ן אלעס

גוטס. זכותו יגן עלינו!