חב"ד שליח און פרייער פראטעסטירער זיצן מיט פארבינדענע הענט אין בעק און פארבינדענע אויגן אין הארץ פון תל אביב
תל אביב - א בילד ווי דער חב"ד שליח ר׳ מנחם מענדל גודמאן, דער אנפירער פון די חב"ד אקטיוויטעטן אין די מעוז אביב געגנט אין שטאט זיצט אינאיינעם מיט א פרייע פארשוין אויף א פארנומענע גאס אין שטאט מיט פארבינדענע אויגן און הענט פון אונטערוויילעכטס, האט געשלאגן ווארצלען אין די גאנצע לאנד. דער פרייער פארשוין מיטן נאמען ניר כפתורי, האט גענומען אויף זיך א מיסיע צו אנפירן א איין מאן פראטעסט און ער זיצט טעגליך מיט פארבינדענע אויגן און הענט צו ארויסווייזן זיין פראטעסט קעגן די רעגירונג פארן נאך נישט אויסהאמערן א משכנות אויסטויש מיט כאמאס און אזוי ארום באפרייען די צענדליגע פארכאפטע משכונות וואס געפונען זיך אונטער שווערע אומשטענדן אין כאמאס געפענגעניש אין עזה.
פארלאפענע דאנערשטאג האט ר׳ מענדל צוגעקומען אים אנגעבאטן צו לייגן תפילין, ער האט מסכים געווען נאר אויב דער שליח טוהט אים צוריק א טובה און שטעלט זיך מיט אים צו זיין פראטעסט, ר׳ מענדל האט נישט געטראכט קיין צוויי און גלייך צוגעשטימט און אזוי האט זיך געשאפן דער וויירעל בילד.
גאלערי