דגל התורה חברי כנסת טרעפן זיך מיט גדולי ישראל אינמיטן קאאליציע פארהאנדלונגען
גאלערי
בס"ד
דגל התורה חברי כנסת אויף א באזוך ביי גדולי ישראל לקראת דעם נייעם כנסת טערמין
מוצאי שבת זענען די חברי כנסת פון די 'דגל התורה' פארטיי ארויפגעגאנגען במעון הקודש פון די ראשי ישיבות, הגאון ר' דוב לאנדא שליט"א און הגאון ר' משה הלל הירש שליט"א, צו באקומען זייערע ברכות און הדרכה לקראת דעם נייעם טערמין וואס עפנט זיך יעצט אין די כנסת.
די באזוכן קומען אין שאטן פון די לעצטיגע באריכטן איבער א מעגליכע פאליטישע קאאפעראציע צווישן די חרדי'שע פארטייען מיט דעם פאליטיקאנט גדי אייזנקאט, ארום די קריטישע ענינים וואס זענען נוגע פאר די בני ישיבות און די עולם התורה.
טראץ די אלע שמועות, האבן הויכראנגיקע באאמטע אין די פארטיי קלארגעשטעלט אז עס איז דערווייל נאך נישט געפאלן קיין שום ענדגילטיגע באשלוס איבער וועמען מען גייט שטיצן, צי עס וועט זיין אייזנקאט אדער דער יעצטיגער פרעמיער מיניסטער בנימין נתניהו.