בחצר הקודש רימנוב גרייט מען זיך אין די טעג צו די געהויבענע שמחת הנישואין פון החתן ברוך שמעון ני"ו, דער זון פון כ"ק אדמו"ר מרימנוב שליט"א און א באליבטער אייניקל פון כ"ק אדמו"ר מקאמארנא שליט"א.

אין בעפארברייטונג צו די גרויסע שמחה, איז דער רימנובער רבי שליט"א ארויסגעגאנגען באזוכן און פערזענליך איינלאדענען א רייע גדולי האדמו"רים זיך צו באטייליגן ביי די חתונה. צוווישן די אדמו"רים וואס האבן באקומען אן הזמנה און ווארים אנגעוואונטשן דעם חתן זענען כ"ק אדמו"רים מאלכסנדר, גארליץ, קוזמיר, אנטניא און לינסק שליט"א.

פאר דעם, האט דער רימנובער רבי צוזאמען מיטן חתן אפגעשטאט א באזונדערן באזוך ביי כ"ק אדמו"ר מוויזניץ שליט"א, וועלכער געפינט זיך אין די יעצטיגע טעג אויף אפרוה אינעם 'מושב אורה'. דער וויזניצער רבי האט זיי אויפגענומען מיט גרויס חביבות און מאציל געווען מברכות קדשו לקראת דעם גרויסן טאג.