א היסטארישע צערעמאניע איז פארגעקומען אין וואשינגטאן די-סי, וואו א צאל הויכראנגיקע קאנגרעס מיטגלידער פון ביידע פאליטישע פארטייען האבן אינאיינעם געגרינדעט א נייע "תורה קאקוס" גרופע צווישן זיך.

די צערעמאניע און די גרינדונג פונעם "תורה קאקוס" איז אהערגעשטעלט געווארן אלס איניציאטיוו פון די וועלט-בארימטע "דרשו" ארגאניזאציע וועלכע פארשפרייט לימוד התורה פאר צענדליגער טויזנטער אידן איבער דער גארער וועלט.

איינזעענדיג די וויכטיגקייט פון האבן פולקאמע רעפרעזענטאציע אין קאנגרעס, האט "דרשו" אריינגעלייגט אסאך כוחות צו שתדל'ען ביי די קאנגרעס מיטגלידער אז מען זאל אראנדזשירן א קאקוס וואס זאל זיין געצילט דירעקט צו העלפן פאראויסרוקן תורה אינטערעסן אין די קארידארן פון וואשינגטאן.