דראמאטישע מינוטן אין קרית מלאכי: איד געראטעוועט נאכן צוזאמפאלן אינמיטן דאווענען

א דראמאטישע לעבנס-רעטנדע סצענע האט זיך אפגעשפילט אין א בית מדרש אין קרית מלאכי, ווען א איד איז פלוצלינג צוזאמגעפאלן אינמיטן דאווענען נאכן אריינפאלן אין א קארדיאק ארעסט.

בחסדי שמים האט זיך פונקט געפינען אין שול א וואלונטיר פון 'איחוד הצלה' וועלכער האט דארט געדאווענט. דער הצלה מעמבער האט נישט פארלוירן קיין סעקונדע, ער איז גלייך צוגעלאפן צום פאציענט, אנגעהויבן צו מאכן סי-פי-אר, און אריינגערופן פאר ווייטערדיגע הילף.

א דאנק די שנעלע רעאקציע און פראפעסיאנאלע הילף פונעם הצלה וואלונטיר, איז דעם איד'ס לעבן געראטעוועט געווארן.