במוצאי יום מנוחה, נמצ"א לעמך רווחה: בהתאסף ראשי עם יחד שבטי ישראל, דינער 'ליל התקשרות' לטובת 'צדקת רבי מאיר בעל הנס כולל חבת ירושלים'
שוין איבער א וואך פאריבער אבער איז נאך אלס די געשפרעך ביי אלעמען
דינער איז אָפגעהאַלטן געוואָרן במלוא הודה והדרה, מוצאי שבת פ' וירא אין די פרעכטיגע קאנטינענטאל זאלן - מאסן האָבן איבערגעפילט דעם פלאץ עד אפס מקום - מעמד איז כסדר באַשיינט געוואָרן מיט פריש אָנקומענדע גדולי ומאורי הדור שליט"א
א שפאנענדע שטילקייט האט געהערשט ווען דער ענערגישער מנהל הכולל הרה"צ רבי ישכר בעריש רובין שליט"א מדאמבראווא האט ארויסגעברענגט דבר הכולל
כולל חבת ירושלים איז די איינציגסטע קופה בארה"ק וואס פארטיילט פאנטאסטישע געלטער אויף חנוכה פאר די רבבות עניי ארץ ישראל צו קענען אדורכשטיפן דעם לאנגן ווינטער בפרט יעצט אין א עיבור יאר וואס עיניהם של עניים נשואות אויף די הצלחה פונעם היינטיגן מגבית
'דברי זכרון' לע"נ כ"ק הגה"צ טשאקאווער רב זצ"ל חבר וועד הרבנים מיט פיל נייע חידושים אין גרויסקייט פון 'צדקת רבי מאיר בעל הנס'' איז געזאָגט געוואָרן בטוב טעם ודעת, דורך בנו הגה"צ רבי אברהם מאיר הלברשטאם שליט"א שליט"א דומ"ץ קיט"ל דסאטמאר 18 עוו.
'משא המעמד' דורכן גרויסן גאסט מארה"ק כ"ק הגה"צ רבי יצחק אלעזר מאסקאוויטש שליט"א אבד"ק שאץ
איבערגעבנדיג די אומדערטרעגליכן הונגער וואס הערשט בעיר ד' שמה, און די געוואלדיגע הילף וואס כולל חבת ירושלים שטעלט אהער ובפרט אין די שרעקליכע מצב השורר ה"י וואס די איינציגע עצה דערצו איז תשובה תפילה ו'צדקה' פארן הייליגן כולל
--------------------------------------------------------------------
רבי מאיר'ס נאכט מיט אירע אומענדליכע זכותים געווען געווידמעט לע"נ הרבנית הצדיקת מבית אהרן ע"ה, בנה הגה"צ רבי אלעזר טייטלבוים שליט"א ראש הכולל תו"י דסאטמאר-קליימער האט אויפגעטרעטן מיט א וואונדערליכע דרשה וואס האט איבער געלאזט אויף די פאַרזאַמעלטע אַ טיפן רושם – ווי ער האָט אין זיין רעדע ארויסגעברענגט די חוב אנצוהאלטן די ירושה פון די צדיקי הדורות זי"ע
אַלס יו"ר הערב האָט מיט אַ לשון לימודים טאַלאַנטפול אָנגעפירט הרה"ג ר' אייזיק ליפא פריעדמאן שליט"א, וועלכער האָט גאָר באַרייכט דעם אָווענט מיט טרעפליכע רעיונות און עובדות
ביים מעמד אדיר ומרומם זענען באקרוינט געווארן גאר געשעצטע פערזענליכקייטן צו דינען אלס פרישע כוחות און די צוויי הונדערט יאריגע ארמיי פון רבי מאיר, צו העלפן עניי עמנו בעיה"ק, און די זעלבע צייט דורך איר צו ברענגן ישועות ורפואות וכל מיני הצלחות פאר יהדות הגולה
ה"ה הרה"ג בנש"ק ר' אלעזר אייכענשטיין שליט"א רב ביהמ"ד בורשטין וויליאמסבורג, האחים החשובים בנש"ק ר' אברהם יושע ור' יואל ניימאן שיחי' בני הרה"ח רבי אשר הי"ו, הר"ר ארי' יודא פלאהר שיחי' בן הרה"ח ר' אלי' הי"ו גבאי כוללינו בקרית יואל, הר"ר יואל שמואל והר"ר משה פאזנער שיחיו אייניקלעך פון הרב החסיד המרומם רבי יעקב פאזנער ז"ל פאר הגבאים בעיר וויליאמסבורג יצ"ו, אלע פון זיי קרואי מועד אנשי שם
כנגן המנגן ותהי עליו יד ד' - אין די גרויסע נאכט ווי מהאט געחזרט די הייליגע ירושה פון די צדיקים הקודמים
זענען די הערליכע מעלאדיעס וואס זענען געזינגען געווארן בחצרות רבוה"ק תלמידי הבעש"ט זי"ע און מיט די צייט פארגעסן געווארן, צוריק אויפגעפרישט געווארן דורך די וועלט בארימטע מטיב נגן ר' מרדכי וואלף לאנדא הי"ו מגבאי הכולל צוזאמען מיט זיין טאלאנטפולע קאפעליע באגלייט דורך הידען המפו' הרב דוד מאיר רוס יו"ר מכון שירי דוד אויפוויקלענדיג זייער היסטאריע
המון משתתפים איבעראשט צו זען די עצם כתב יד קודש פון הרב הקדוש רבי חנה מקאלאשיץ זי"ע הי"ד
ווי ער שרייבט בתו"ד 'כל עניני הכולל היה עד עתה רק בישועת השי"ת ובודאי כן יהיה עד ביאת המשיח במהרה'
און זיך איבערצייגט ווי דבר א' מדבריו לא נפל ארצה
במשך די מעמד איז ליצוטירט געווארן דאס בענטשן אויפן כוס הישועות
בסוף איז עס געקויפט געווארן לכבודו פון הגה"צ אבד"ק בית אהרן שליט"א, און דערנאך האבן אלע קוני זכות שותפות פאר 400$ = 100$ פער חלוקה, געהאט די זכי' צו באקומען כוס של ברכה און מיטנעמען אהיים הויפענעס מיט ישועות ורפואות וכל הברכות
איר קענט נאך נעמען א חלק אלקא דמאיר ענני
גאלערי
