הויפט פראקוראר ווארנט: כינעזע שפיאנאזש אויף אמעריקאנער ערד איז גאר שטארק פארשפרייט
גאלערי
ווידעאס
בס"ד
כינעזע שפיאנאזש אין אמעריקע איז אן ערנסטע און ברייט-פארשפרייטע געפאר, ווארנט הויפט פעדעראלער פראקוראר
כינעזע שפיאנאזש אויף אמעריקאנער באדן איז נישט קיין ווייטע געפאר, נאר א רעאלע פראבלעם, לויט איינע פון די מערסט-אויסגעשפראכענע פעדעראלע פראקורארן אין לאנד. דער ערשטער אסיסטענט יו-עס אטוירני פארן צענטראלן דיסטריקט אין קאליפארניע, ביל עסעלי, האט איבערגעגעבן אז די שפיאנאזש אפעראציעס פון בעידזשינג זענען גאר ברייט פארשפרייט איבער די פאראייניגטע שטאטן. "עס איז נישטא קיין שום גרעניץ צו וואס טשיינע איז גרייט צו טון," האט ער געווארנט.
עסעלי האט עס אנגערופן א "הויפט זארג" און האט קלארגעשטעלט אז די אטאריטעטן מוזן זיין כסדר אויף דער וואך און איבערהאקן די אפעראציעס נאך בעפאר זיי קענען זיך איינווארצלען. לויט אים, שפילט טשיינע א לאנג-טערמין געים, אריינפלאמפנדיג ריזיגע רעסורסן צו רעקרוטירן שפיאנען און אגענטן אינערהאלב אמעריקע. ער האט צוגעגעבן אז די עף-בי-איי (FBI) פארמאגט גאנצע אפטיילונגען וואס זענען ספעציעל געווידמעט צו באקעמפן דעם פראבלעם, און זיין אפיס איז אנטשלאסן אנצוקלאגן די פארברעכער.
צו שטיצן זיינע ווערטער, האט דער פראקוראר אנגעוויזן אויף א רייע קעיסעס וואס זיין אפיס האט באהאנדלט דעם יאר:
אין איין פאל ווערט א פרוי אנגעקלאגט פארן נאכקוקן און שפיאנירן אויפן זון פונעם טייוואנער פרעזידענט אינעם סיאטל געגנט. זי איז אנגעבליך געפארן אהין אויפן באפעל פון כינעזע באאמטע און האט צוריקגעשיקט בילדער, ווידעאס, און אינפארמאציע פון לייסענס פלעיטס.
אין א צווייטע קעיס ווערט א מאן אנגעקלאגט פארן פארקויפן סערווערס אנגעפילט מיט 'עי-איי' (AI) טשיפס אין ווערד פון איבער 300 מיליאן דאלאר קיין טשיינע, דורכפירנדיג דעם האנדל דורך דריטע לענדער.
און אין א דריטע פאל האט א לאקאלער מעיאר זיך דערקלערט שולדיג פארן דינען אלס אן אומלעגאלער אגענט פאר בעידזשינג.
כאטש צוויי פון די קעיסעס זענען דערווייל בלויז קלאגעס וואס וועלן זיך דארפן אויסקלארן אין געריכט, שטעלן זיי צוזאמען אראפ א שרעקעדיגע בילד וואס לאזט מענטשן זיך וואונדערן ווי טיף די כינעזע שפיאנאזש נעצן זענען אריינגעדרונגען אין אמעריקע און ווער נאך עס קען זיין פארמישט דערין.
כינעזע שפיאנאזש אין אמעריקע איז אן ערנסטע און ברייט-פארשפרייטע געפאר, ווארנט הויפט פעדעראלער פראקוראר
כינעזע שפיאנאזש אויף אמעריקאנער באדן איז נישט קיין ווייטע געפאר, נאר א רעאלע פראבלעם, לויט איינע פון די מערסט-אויסגעשפראכענע פעדעראלע פראקורארן אין לאנד. דער ערשטער אסיסטענט יו-עס אטוירני פארן צענטראלן דיסטריקט אין קאליפארניע, ביל עסעלי, האט איבערגעגעבן אז די שפיאנאזש אפעראציעס פון בעידזשינג זענען גאר ברייט פארשפרייט איבער די פאראייניגטע שטאטן. "עס איז נישטא קיין שום גרעניץ צו וואס טשיינע איז גרייט צו טון," האט ער געווארנט.
עסעלי האט עס אנגערופן א "הויפט זארג" און האט קלארגעשטעלט אז די אטאריטעטן מוזן זיין כסדר אויף דער וואך און איבערהאקן די אפעראציעס נאך בעפאר זיי קענען זיך איינווארצלען. לויט אים, שפילט טשיינע א לאנג-טערמין געים, אריינפלאמפנדיג ריזיגע רעסורסן צו רעקרוטירן שפיאנען און אגענטן אינערהאלב אמעריקע. ער האט צוגעגעבן אז די עף-בי-איי (FBI) פארמאגט גאנצע אפטיילונגען וואס זענען ספעציעל געווידמעט צו באקעמפן דעם פראבלעם, און זיין אפיס איז אנטשלאסן אנצוקלאגן די פארברעכער.
צו שטיצן זיינע ווערטער, האט דער פראקוראר אנגעוויזן אויף א רייע קעיסעס וואס זיין אפיס האט באהאנדלט דעם יאר:
אין איין פאל ווערט א פרוי אנגעקלאגט פארן נאכקוקן און שפיאנירן אויפן זון פונעם טייוואנער פרעזידענט אינעם סיאטל געגנט. זי איז אנגעבליך געפארן אהין אויפן באפעל פון כינעזע באאמטע און האט צוריקגעשיקט בילדער, ווידעאס, און אינפארמאציע פון לייסענס פלעיטס.
אין א צווייטע קעיס ווערט א מאן אנגעקלאגט פארן פארקויפן סערווערס אנגעפילט מיט 'עי-איי' (AI) טשיפס אין ווערד פון איבער 300 מיליאן דאלאר קיין טשיינע, דורכפירנדיג דעם האנדל דורך דריטע לענדער.
און אין א דריטע פאל האט א לאקאלער מעיאר זיך דערקלערט שולדיג פארן דינען אלס אן אומלעגאלער אגענט פאר בעידזשינג.
כאטש צוויי פון די קעיסעס זענען דערווייל בלויז קלאגעס וואס וועלן זיך דארפן אויסקלארן אין געריכט, שטעלן זיי צוזאמען אראפ א שרעקעדיגע בילד וואס לאזט מענטשן זיך וואונדערן ווי טיף די כינעזע שפיאנאזש נעצן זענען אריינגעדרונגען אין אמעריקע און ווער נאך עס קען זיין פארמישט דערין.