וויליאמסבורג עסקנים אפגעהאלטן זיצונג מיט די.או.טי. קאמישינאר איבער געפארפולע בייק לעין

  וויליאמסבורג - אין ליכט פון די פילע עקסידענטן וואס האט פאסירט אין די לעצטע צייט צוליב די געפארפולע בייק לעין אויף בעדפארד עוועניו זענען א גרופע עסקנים פון וויליאמסבורג אין שפיץ פון העסקן ר׳ משה דוד נידערמאן פון די יו.דזשעי.או. און העסקן ר׳ נפתלי משה אינדיג פון די וויליאמסבורג דזשעי.סי.סי. אראפגעפארן צו די הויפטקווארטירן פון די ניו יארק סיטי טראנספארטאציע דעפארטמענט און אפגעהאלטן א וויכטיגע זיצונג מיט דער קאמישינאר אידאניס ראדריגעז מיט די אנוועזנהייט פון העסקן ר׳ פנחס רינגל פון די אפיס פונעם דעפארטמענט.  צום ערשט האבן די עסקנים פארגעלייגט די פאקטן אז אויף די דריי גאסן וואו די בייק לעין פארט אדורך אויף בעדפארד עוועניו גייען דורך אומגעפער 1,200 קינדער טעגליך און די צאל עקסידענטן וואס דאס האט שוין צוגעפירט שטייט ביי 17 (!), דערנאך האבן די עסקנים פארגעלייגט א פלאן אויסגעארבעט דורך אידישע ארגאניזאציעס אין שטאט וואס זאל פארקירעווען די בייק לעין אראפ פון בעדפארד עוועניו ווען עס קומט אהן צו די היימיש באוואוינטע געגנט און אנשטאט דעם מאכן א רעכטס ווען עס קומט אהן אויף בעדפארד ביי דיקאלב עוועניו אין ריכטונג פון קלעסאן עוועניו.  

קרעדיט זעמל