להצלת יהדות ארה"ק!

א הערליכער און לענגערע מסיבת "לחיים" לכבוד שמחת שבע ברכות, איז פארגעקומען היינט נאכט אין ארה"ק ביי כ"ק מרן אדמו"ר מסאטמאר שליט"א, לרגל די שמחה בבית ראש המצילים במרכז עזרה ויעוץ הרה"ח ר' שמעון שישא שליט"א.

ביים שבע ברכות האט דער רבי שליט"א ארויסגעברענגט די שוועריקייט פונעם מצב, ווי ווייט בחורים און עלטערן זענען פארלוירן, און אויפגעפאדערט צו פארברייטערן די אפיסעס און צולייגן ארבייטער צו קענען נאכקומען די גרויסע פארלאנג און העלפן יעדן וואס וויל זיך ראטעווען.

דער רבי האט דערביי אויסגעשמועסט די וואונדער וואס ער האט אויף די וואס ווילן ליידער איינגיין אויף א פשרה, זאגנדיג "איך קען זיי נישט פארשטיין!", און דער רבי האט ערווענט אז מען איז אים שוין געקומען מסביר זיין אז ס'איז נישט געפערליך, ס'וועט שלעפן צייט, אבער דער רבי האט געענטפערט אז דער מהלך גייט נישט גוט ארבעטן און ס'גייט ס"ה ברענגען אז מ'גייט זיך צוריק אנהייבן שטעלן פאר א דיחוי און דאן וועט זיך אנהייבן די צרות פאר יחידים, און ווער קען מפקיר זיין אזויפיל נפשות מישראל!!!

דערנאך האט דער רבי געוואונטשן פאר'ן חתן, און ספעציעל פאר'ן גרויסן מחותן אז די פעולות גדולות זאלן מצליח זיין און ס'זאל אנקומען גרינג, מיט די הילף פון אלע טייערע אידן וואס דעקן די הוצאות.

סאטמאר בעד אחב"י בארץ הקודש! מלחמה לה' בעמלק מדור דור