בס"ד

אויפדעקונג: איראן האט דורכגעפירט 135 מיסיל און דראון אטאקעס קעגן גאלף לענדער זינט פעברואר

לויט א נייע אויספארשונג וואס איז באריכטעט געווארן דורך די 'רויטערס' נייעס אגענטור, האט איראן דורכגעפירט אמווייניגסטנס 135 מיסיל און דראון אטאקעס קעגן 84 אינפראסטרוקטור צילן איבער זיבן גאלף לענדער, זינט די מלחמה האט אויסגעבראכן אין פעברואר.

די אטאקעס זענען געווען געצילט אויף וויכטיגע סטראטעגישע ערטער, אריינגערעכנט אויל טערמינאלן, עירפארטס, גאז איינריכטונגען און פייפליינס. צווישן די הויפט צילן וואס זענען באטראפן געווארן ציילן זיך קאטאר'ס 'ראס לאפאן' קאמפלעקס און סאודי אראביע'ס 'איסט-וועסט' פייפליין.

דער באריכט צייגט אן אז די שאדנס זענען גאר גרויס, און טייל פון די באטראפענע איינריכטונגען שטייען אויס לאנגע און קאמפליצירטע פארריכטונגען, וויבאלד געוויסע ספעציעלע עקוויפמענט וואס איז חרוב געווארן וועט נעמען יארן צו ווערן אינגאנצן ערזעצט.