ריזן סטרוקטור פון 'היכל אלטר יחזקאל' ביים גרויסן ביהמ"ד אין קרית יואל ארויפגעצויגן אין פרעצעדענטלאזע שנעלקייט אין א קארגע עטליכע שעה. דער בנין פיבערט מבית ומבחוץ. פון ביעמס אינסטולאציע פראגרעסירט אויף די העכערע שטאק, אייזערנע סטודס אויף די אונטערשטע פארענדיגטע שטאק, דעמאלישינג פון די אלטע חדרי התפלה זעצט פאר מיט אומפעט לפני ולפנים אין אלטן בנין ביהמ"ד הגדול, בוקעט פירמע אנגעהויבן צו פרעימען די צעמענטענע ווענט וועלכע וועלן זיך ארויפציען צום גאנצן הייעך פונעם בנין עס זאל שטיין פעסט קעגן ווילדע ווינטן. צעמענט X פירמע שניידט אוועק דיקע שטיקער קאנקריעט פון די אלטע פאנדעישאן - ק"ק סאטמאר ובפרט די שטאט קרית יואל לעבט מיט דראמאטישע אנטוויקלונגען בקורות ימי העיר ווען עס בויען זיך בתי מדרשים בכל קצווי העיר (שכונת ויואל משה, שכונת עצי תמרים, שכונת איילענד וויאו טאון אוו מאנראו, שכונת ווינטשעסטער, ועוד ידיהם נטוי') אין שפיץ צענטער פונעם תל תלפיות ביהמ"ד הגדול דק"ק קרית יואל אויף גארפיעלד ראוד וואס אנטשפרעכט צו זיין די גרעסטע סאטמארער ביהמ"ד ווי אלופי אלפי תושבי העיר וועלן מיטלעבן די געהויבענע תפילות אין טישן פון כ"ק מרן אדמו"ר מסאטמאר שליט"א בראשות הגה"צ אב"ד ור"מ שליט"א במקהלות וברוב עם הדרת מלך!