אויפגעכאפט אויף קעמערע: א באן אין פוילן קראכט אריין אין א טראק וואס איז געבליבן שטעקן אויף די שינעס
גאלערי
ווידעאס
בס"ד
דראמאטישע עקסידענט אין פוילן: א פאסאזשירן טרעין קראכט אריין אין א טראק וואס איז שטעקן געבליבן אויף די שינעס
א דראמאטישע צוזאמענשטויס ביי א באן-אריבערגאנג אין גדאנסק, פוילן, האט איבערגעלאזט פיר מענטשן פארוואונדעט, נאכדעם וואס אן אינטער-סיטי טרעין האט אריינגעקראכט אין א טראק טרעילאר וואס איז געבליבן פארכאפט צווישן די באריערס אויף די שינעס.
דער שרעקליכער קראך האט פאסירט דאנערשטאג נאכמיטאג, קורץ נאך 1:20, אויף ניעגאווסקא סטריט. די טרעין, וועלכע האט געטראגן צווישן 250 און 300 פאסאזשירן, איז געפארן אויפ'ן וועג קיין זשעלאנא גורא ווען עס האט פאסירט. ווידעא קאמערעס פון א דערנעבנדיגע סטאנציע האבן אויפגעכאפט דעם דראמאטישן מאמענט פונעם קראך, וואו מען זעט א ריזיגע וואלקן פון שטויב און ברוכווארג פליען אין די לופטן בעת די טרעין רייסט דורך דעם טראק. פייערלעשער האבן שפעטער באשטעטיגט אז די לאקאמאטיוו זעלבסט איז ברוך השם נישט אראפ פון די רעלסן, כאטש איין טרעק איז אינגאנצן חרוב געווארן פונעם אימפאקט.
וואס מאכט דעם עקסידענט נאך מער אויפטרייסלנד איז דער פאקט אז עס וואלט געקענט גרינג פארמיטן ווערן. לויט די פוילישע באן-אינסטאנצן, האט דער 42-יעריגער טראק דרייווער איגנארירט די ווארענונג סיגנאלן אז א טרעין דערנענטערט זיך, און ער איז אריינגעפארן אינעם אריבערגאנג פונקט ווען די באריערס האבן זיך אראפגעלאזט, בלייבנדיג פארכאפט אינעווייניג.
ארומיגע מענטשן האבן געשריגן צום דרייווער ער זאל פשוט דורכברעכן דעם באריער און אראפגיין פון די שינעס, אבער אנשטאט דעם האט ער קודם פרובירט צו מאכן 'בעק-אפ'. ערשט נאכדעם וואס דאס איז נישט געלונגען, האט ער פרובירט צו פארן פאראויס, אבער עס איז שוין געווען צו שפעט און די טרעין האט אריינגעשמעטערט אין אים.
טראץ דעם מעכטיגן קראך, וואס האט מיטגעשלעפט דעם טראק א שיינע שטרעקע, האט זיך עס געענדיגט מיט גרויסע ניסים און עס וואלט געקענט זיין פיל ערגער. פיר מענטשן זענען לייכט פארוואונדעט געווארן: דער טראק דרייווער, דער טרעין דרייווער, און צוויי פאסאזשירן. דער טראק דרייווער, א בירגער פון באסניע, האט באוויזן ארויסצוקריכן פונעם קאבינע אליין און איז געווען ביי זיך. ער איז געווען דער איינציגסטער וואס האט געדארפט אפגעפירט ווערן אין שפיטאל, בעת די אנדערע דריי זענען באהאנדלט געווארן אויפ'ן ארט דורך די עמערדזשענסי קרוס. זיבן פייער דעפארטמענט טראקס און פינף אמבולאנסן זענען געווען אויף די סצענע צו העלפן און אפרומען דעם חורבן.
אין די ערשטע מינוטן נאכ'ן עקסידענט זענען ארומגעפארן קלאנגען אויף סאשעל מידיע אז די באריערס האבן זיך געהויבן צו פרי, וואס דאס האט אריינגענארט דעם טראק. אבער די פוילישע אויספארשער זאגן אז די פאקטן צייגן פונקט פארקערט: דער טראק איז אריינגעפארן בעת די באריערס האבן זיך שוין אראפגעלאזט.
די טרעין סערוויס אין די געגנט איז געווען אפגעשטעלט פאר עטלעכע שעה און איז ערשט צוריקגעשטעלט געווארן שפעט ביינאכט. א ספעציעלע קאמיסיע פארשט יעצט אויס דעם אינצידענט, און די באן-אויטאריטעטן האבן אויסגענוצט די געלעגנהייט צו דערמאנען דעם פובליק: אויב א קאר בלייבט שטעקן אויף די שינעס, זאל מען תיכף דורכברעכן דעם באריער און אנטלויפן, און נישט פרובירן צו מאכן בעק-אפ אדער ווארטן.
דראמאטישע עקסידענט אין פוילן: א פאסאזשירן טרעין קראכט אריין אין א טראק וואס איז שטעקן געבליבן אויף די שינעס
א דראמאטישע צוזאמענשטויס ביי א באן-אריבערגאנג אין גדאנסק, פוילן, האט איבערגעלאזט פיר מענטשן פארוואונדעט, נאכדעם וואס אן אינטער-סיטי טרעין האט אריינגעקראכט אין א טראק טרעילאר וואס איז געבליבן פארכאפט צווישן די באריערס אויף די שינעס.
דער שרעקליכער קראך האט פאסירט דאנערשטאג נאכמיטאג, קורץ נאך 1:20, אויף ניעגאווסקא סטריט. די טרעין, וועלכע האט געטראגן צווישן 250 און 300 פאסאזשירן, איז געפארן אויפ'ן וועג קיין זשעלאנא גורא ווען עס האט פאסירט. ווידעא קאמערעס פון א דערנעבנדיגע סטאנציע האבן אויפגעכאפט דעם דראמאטישן מאמענט פונעם קראך, וואו מען זעט א ריזיגע וואלקן פון שטויב און ברוכווארג פליען אין די לופטן בעת די טרעין רייסט דורך דעם טראק. פייערלעשער האבן שפעטער באשטעטיגט אז די לאקאמאטיוו זעלבסט איז ברוך השם נישט אראפ פון די רעלסן, כאטש איין טרעק איז אינגאנצן חרוב געווארן פונעם אימפאקט.
וואס מאכט דעם עקסידענט נאך מער אויפטרייסלנד איז דער פאקט אז עס וואלט געקענט גרינג פארמיטן ווערן. לויט די פוילישע באן-אינסטאנצן, האט דער 42-יעריגער טראק דרייווער איגנארירט די ווארענונג סיגנאלן אז א טרעין דערנענטערט זיך, און ער איז אריינגעפארן אינעם אריבערגאנג פונקט ווען די באריערס האבן זיך אראפגעלאזט, בלייבנדיג פארכאפט אינעווייניג.
ארומיגע מענטשן האבן געשריגן צום דרייווער ער זאל פשוט דורכברעכן דעם באריער און אראפגיין פון די שינעס, אבער אנשטאט דעם האט ער קודם פרובירט צו מאכן 'בעק-אפ'. ערשט נאכדעם וואס דאס איז נישט געלונגען, האט ער פרובירט צו פארן פאראויס, אבער עס איז שוין געווען צו שפעט און די טרעין האט אריינגעשמעטערט אין אים.
טראץ דעם מעכטיגן קראך, וואס האט מיטגעשלעפט דעם טראק א שיינע שטרעקע, האט זיך עס געענדיגט מיט גרויסע ניסים און עס וואלט געקענט זיין פיל ערגער. פיר מענטשן זענען לייכט פארוואונדעט געווארן: דער טראק דרייווער, דער טרעין דרייווער, און צוויי פאסאזשירן. דער טראק דרייווער, א בירגער פון באסניע, האט באוויזן ארויסצוקריכן פונעם קאבינע אליין און איז געווען ביי זיך. ער איז געווען דער איינציגסטער וואס האט געדארפט אפגעפירט ווערן אין שפיטאל, בעת די אנדערע דריי זענען באהאנדלט געווארן אויפ'ן ארט דורך די עמערדזשענסי קרוס. זיבן פייער דעפארטמענט טראקס און פינף אמבולאנסן זענען געווען אויף די סצענע צו העלפן און אפרומען דעם חורבן.
אין די ערשטע מינוטן נאכ'ן עקסידענט זענען ארומגעפארן קלאנגען אויף סאשעל מידיע אז די באריערס האבן זיך געהויבן צו פרי, וואס דאס האט אריינגענארט דעם טראק. אבער די פוילישע אויספארשער זאגן אז די פאקטן צייגן פונקט פארקערט: דער טראק איז אריינגעפארן בעת די באריערס האבן זיך שוין אראפגעלאזט.
די טרעין סערוויס אין די געגנט איז געווען אפגעשטעלט פאר עטלעכע שעה און איז ערשט צוריקגעשטעלט געווארן שפעט ביינאכט. א ספעציעלע קאמיסיע פארשט יעצט אויס דעם אינצידענט, און די באן-אויטאריטעטן האבן אויסגענוצט די געלעגנהייט צו דערמאנען דעם פובליק: אויב א קאר בלייבט שטעקן אויף די שינעס, זאל מען תיכף דורכברעכן דעם באריער און אנטלויפן, און נישט פרובירן צו מאכן בעק-אפ אדער ווארטן.