פארגאנגענעם זונטאג פ׳ כי תבא איז פארגעקומען די גרויסע ״אויספארקויף״ אין מחנה רב טוב ״מחנה יהודה״ אין נעפענאק, וואו אלע קינדער וואס זענען אנגעשלאסן אין די בארימטע ״אוצר יהודה״ מיטן לימוד משניות און אמירת תהלים האבן באקומען הערליכע מתנות, עס איז געווען א הערליכע מחזה מיטצוהאלטן די מאמענטן, די אויספארקויף איז געווען אויסגעשטעלט אויף א מייסטערהאפטיגען אופן צו די הנאה פון די הונדערטער קינדערלעך וואס זענען א טייל פון די בארימטע חבורה.

די הערליכע אויספארקויף שלוסט ווידערמאל א זומער מיט סוקסעס דורך די בארימטע ״אוצר יהודה״ וואס גייט שוין אן לאנגע יארן לע״נ הגה״ח רבי יהודה ב״ר דוד הכהן ז״ל מנהל המחנות דורך זיין זון הרב החסיד המרומם רבי מענדל הכהן ראזענבערג שליט״א מיט גרויס הצלחה און ווערט באגריסט דורך די עלטערן און די קינדער צוגלייך, צו די הצלחה פונעם אויספארקויף מוז דערמאנט ווערן די חשוב׳ע עסקנים, באזונדער דארף באגריסט ווערן די פעולות חובקות פון בנו איש המעש, נזר העסקנים, יו״ר הנאמנים בקרית יואל, מו״ה פישל ראזענבערג הי״ו, וואס שטייען צו הילף. פאר די הצלחה פונעם פראיעקט.