אין די טעג פון חול המועד סוכות, האט דער מעיאר פון ניו יארק סיטי, מר. זאהראן מאדאני, אפגעשטאט א ספעציעלן באזוך ביים היימישן ציבור צו איבערגעבן א יום טוב'דיגן גרוס.

דער מעיאר איז אויפגענומען געווארן בכבוד הראוי און מיט א ווארעמע קבלת פנים דורך א חשוב'ע דעלעגאציע פון באקאנטע עסקנים און ראשי הקהילות הגדולות איבער ניו יארק. די שיינע אויפנאמע איז אפגעראכטן געווארן אינעם שיינעם און פראכטפולן סוכה פון הרה"צ בארימטער משפיע ר' שלום לאנדא שליט"א.

ביים באזוך זענען ארומגערעדט געווארן פארשידענע וויכטיגע ענינים העומדים על הפרק און אינטערעסן וואס זענען שטארק נוגע לטובת דעם היימישן ציבור אין שטאט, ווען דער מעיאר האט פון זיין זייט אויסגעדרוקט זיין פולע גרייטקייט ארויסצוהעלפן די געברויכן און באדערפענישן פון די חרדישע קהילות.