34 באטראפן פון כעמיקאלע גאזן אין א שולע אין ירושלים, קינדער האספיטאליזירט
גאלערי
בס"ד
פאניק אין א שולע אין מזרח ירושלים: איבער 30 קינדער און שטאב מיטגלידער אין שפיטאל נאכן איינאטעמען גיפטיגע כעמיקאלן
צענדליגע קינדער און שטאב מיטגלידער זענען אפגעפירט געווארן אין שפיטאל נאכן ווערן אויסגעשטעלט צו גיפטיגע כעמיקאלע גאזן אין א שולע אין די שועפאט געגנט אין מזרח ירושלים, דעם דאנערשטאג, נאוועמבער דעם 5'טן.
דער שרעקעדיגער אינצידענט האט פאסירט נאכדעם וואס עטליכע רייניגונגס-מיטלען זענען בטעות אויסגעמישט געווארן איינס מיטן צווייטן. דאס האט ארויסגעגעבן א שטארקן גערוך און שעדליכע גאזן, וואס האט גורם געווען שווערע אטעם-פראבלעמען פאר די תלמידים און שטאב מיטגלידער אין געביידע.
עמערדזשענסי רעטונגס-קרעפטן פון מגן דוד אדום זענען אין אייל אראפגערופן געווארן צום סצענע, וואו זיי האבן געגעבן ערשטע הילף באהאנדלונגען אויפ'ן ארט בעפארן טראנספארטירן די באטראפענע צו די ארומיגע שפיטעלער פאר ווייטערדיגע באהאנדלונג.
לויט די ערשטע באריכטן האבן 25 פערזאן געדארפט באקומען מעדיצינישע הילף, אריינגערעכנט א 10-יעריג אינגל וואס איז געווען אין א מיטלגאטיגן צושטאנד נאכן ליידן פון שווערע אטעם-פראבלעמען. שפעטערדיגע באריכטן האבן אבער ארויפגערוקט דעם נומער צו 34 באטראפענע, וואס רעכנט אריין 30 קינדער און פיר שטאב מיטגלידער.
פייער און רעטונגס אגענטורן זענען אויך אראפגעקומען צום ארט אפצורייניגן די געגנט, בעת די לאקאלע באאמטע האבן געעפנט אן אויספארשונג צו דערגיין פונקטליך די אומשטענדן ארום דעם כעמיקאלן אויסמיש און וואס האט געפירט צו דעם אינצידענט.
פאניק אין א שולע אין מזרח ירושלים: איבער 30 קינדער און שטאב מיטגלידער אין שפיטאל נאכן איינאטעמען גיפטיגע כעמיקאלן
צענדליגע קינדער און שטאב מיטגלידער זענען אפגעפירט געווארן אין שפיטאל נאכן ווערן אויסגעשטעלט צו גיפטיגע כעמיקאלע גאזן אין א שולע אין די שועפאט געגנט אין מזרח ירושלים, דעם דאנערשטאג, נאוועמבער דעם 5'טן.
דער שרעקעדיגער אינצידענט האט פאסירט נאכדעם וואס עטליכע רייניגונגס-מיטלען זענען בטעות אויסגעמישט געווארן איינס מיטן צווייטן. דאס האט ארויסגעגעבן א שטארקן גערוך און שעדליכע גאזן, וואס האט גורם געווען שווערע אטעם-פראבלעמען פאר די תלמידים און שטאב מיטגלידער אין געביידע.
עמערדזשענסי רעטונגס-קרעפטן פון מגן דוד אדום זענען אין אייל אראפגערופן געווארן צום סצענע, וואו זיי האבן געגעבן ערשטע הילף באהאנדלונגען אויפ'ן ארט בעפארן טראנספארטירן די באטראפענע צו די ארומיגע שפיטעלער פאר ווייטערדיגע באהאנדלונג.
לויט די ערשטע באריכטן האבן 25 פערזאן געדארפט באקומען מעדיצינישע הילף, אריינגערעכנט א 10-יעריג אינגל וואס איז געווען אין א מיטלגאטיגן צושטאנד נאכן ליידן פון שווערע אטעם-פראבלעמען. שפעטערדיגע באריכטן האבן אבער ארויפגערוקט דעם נומער צו 34 באטראפענע, וואס רעכנט אריין 30 קינדער און פיר שטאב מיטגלידער.
פייער און רעטונגס אגענטורן זענען אויך אראפגעקומען צום ארט אפצורייניגן די געגנט, בעת די לאקאלע באאמטע האבן געעפנט אן אויספארשונג צו דערגיין פונקטליך די אומשטענדן ארום דעם כעמיקאלן אויסמיש און וואס האט געפירט צו דעם אינצידענט.