הכנות צום יו"ט שבועות בחצה"ק גור:
גאלערי
אין בעפארברייטונג צו יום טוב שבועות האט דער גבאי פון ביהמ"ד הגדול גור הרב יצחק מאיר טאומאן אפגעשריבן א בריוו צו די צענדליגע טויזנטער גערער חסידים וואס וועלן קומען וויילן בצלו פון כ"ק אדמו"ר מגור שליט"א אויף יו"ט שבועות און דעם שבת אויפרוף פון אן אייניקל פון רבי'ן דעם שבת דערנאך,
אינעם בריוו שרייבט דער גבאי אז דאס בוי פראיעקט אויפצובויען דער ריזן היכל הביהמ"ד האט אפגעקאסט די לעצטערע יארן נאנט צו א פערטל ביליאן שקל און מען זאל זעהן צו זיכער מאכן אז אלעס בלייבט שיין און גאנץ.
צווישן די וויכטיגע אנווייזונגען בעהט דער גבאי אז מען זאל נישט אריינברענגען קיין שום בענקלעך, קעסטלעך אדער אנדערע זאכן צו שטיין דערויף, און מען זאל זיכער מאכן מוצאי יום טוב צו אוועקפאקן די טויזנטער ספרים אז די סדרנים זאלן קענען צוגרייטן דעם ביהמ"ד אויף שבת קודש ווען עס וועט אי"ה פארקומען דער אויפרוף פון א אייניקל ביים רבי שליט"א, זוהן פון בנו הרה"צ ר' שלמה צבי אלתר שליט"א.
קרעדיט: אידישע נייעס