*״סאטמאר שטוינט״!!!!*

פרישע ברעכנדע נייעס היינטיגן זונטאג אין די ראמען פונעם *וואונדער בליץ-גאלאפּ פון מוסדות סאטמאר בארא פּארק!*

אין די יעצטיגע מינוטן קומט אַריין די *איבערראשנדע בשורה* אַז דער *שר הנדיבים וכביר הבונים פון סאַטמאַר, הנדיב האדיר מוה״ר ליפא פריעדמאן הי״ו*, איז פריש אַנטקעגן גענומען, מחיל אל חיל, אפּצוקויפן דעם *״זכות שם הבנין״ פונעם נייעם בנין הבית רחל האדיר אין בארא פּארק*

*פאר אומגלויבליכע פרישע ״פינף מיליאן דאלער״* אויפ׳ן פּלאץ!!!!

די נדבה ווערט געשאנקען מיט׳ן ציל צו ברענגען דאָפּעלט אַזויפיל, אלס *מעטשינג פאָנדס* מיט׳ן גאַנצן ציבור תלמידי וחסידי סאטמאר ונדיבי בארא פּאר

*בתנאי אַז די הנהלה וועט שאפן ביז קומענדיגן חודש חשון נאָך 10 מיליאָן דאָלער אין די ראמען פונעם ותשלים קאמפּיין*

כדי צו קענען עפענען דעם 100,000 סקווער פיס בנין ״*אונטער א יאר פון ווען מ׳האט עס אנגעהויבן בויען*״, נאָך פאַר חנוכה הבעל״ט!

*דאס ווארט ״מחיל אל חיל״ ווערט איינפאַך בלאַס און גרייכט פרישע קלימאַקסן!!!*

ווען מ׳נעמט אין באַטראַכט אַז דאָ האַלט מען געציילטע חדשים נאָך וואָס דער שר וגדול הנדיבים האָט אין דעם *איינעם יאר תשפ״ד:*

• אָפּגעקויפט דעם זכות *״בנין התלמוד תורה - בנין ליפּא פריעדמאן״* פאַר אַסטראָנאָמישע ״*פינף מיליאָן דאָלער*״, און ביי אַ סעודת ר״ח בנוכת רבינו שליט״א געשאַפן *נאָך פילפאַכיג אַזויפיל* פון זיינע ידידים און שותפים!

• און דאַן אַ קורצע צייט דערויף איז ער אַנטקעגן געקומען קריאת הקודש פון כ״ק מרן רבינו שליט״א און ברייטהארציג געשאָנקען *העכער אַ מיליאָן דאָלער פאַר׳ן זכות ״בנין משה פריעדמאַן משב״ק״* אין דעם נייעם פראכטפולן קעמפּ פון סאטמאר בארא פארק

• ובנוסף צו נאָך נאענט צו א מיליאן דאלער וואס ער האט געשאנקען פאַר *הרמת קרן מלמדים והמחנכות* אין די מוסדות הקדושים!

דערמיט ווערט געשאַפן אַ היסטאָרישער פּרעצעדענט, וואָס האָט נישט דאָס גלייכן!

דער נדיב האט *״אין איין יאר״* געשאנקען פאַנטאַסטישע *קרוב צו 12 מיליאָן דאָלער* ממיטב כספּו והונו ״אומר ועושה״, און געשאַפן נאָך שווערע מיליאָנען פון זיינע ידידים און ביזנעס-שותפים!

אלעס אינאיינעם האָט דער שר הנדיבים *באַוויזן בעז״ה אַ מעגאַ-פרעצעדענטלאזער סכום פון קרוב צו ״קאָלאָסאַלע 20 מיליאָן דאָלער״  הארטע קעש בשנה אחד!!!!* למען קיום ועתיד ופּריחת מוסדות סאטמאר בארא פּארק!

סאַטמאַר האָט נאָך אַזאָנס נישט געזען!

*דאָס איז די סאַמע גרעסטע יחיד׳ישע נדבה ועסקנות אויף איינמאָל אין די גלאָררייכע 80 יאָריגע היסטאָריע פון סאַטמאַר* מעודה ועד היום הזה!

יעצט זונטאָג נצבים וילך נאכמיטאג, איז פאָרגעקומען אַ *התרגשות׳דיגער ״מעמד לחיים וקנין זכות״ אין שטוב פונעם נדיב׳ס שווער* הנגיד הנכבד הרה״ח מוה״ר *אברהם משה ווערצבערגער* הי״ו, מפארי נכבדי ק״ק סאטמאר ומגדולי נדיבי׳, וועלכער איז בארימט מיט זיינע לאנגע יארן לייסטונגען פאר ק״ק ומוסדות סאטמאר ובפרט אלס *חבר ועד הנהלת הישיבה גדולה העלפנדיג אויפבויען די בניני הישיבה האדירים*.

די פרעכטיגע מסיבה קומט פאר דער באטייליגונג פון אלע *חברי הנהלת המוסדות פון בארא פּארק, אזוי אויך בנו יקירו פון כ״ק מרן רבינו שליט״א הגה״צ אבד״ק סיגוט שליט״א* וועלכער איז געווען שטארק אינסטרומענטאַל אין צושטאַנד ברענגען די נדבה האדירה, און אזוי אויך *הגה״צ דומ״ץ סאטמאר בארא פּארק שליט״א*.

*בן יכבד אב*: באותו מעמד האָט דער נדיב הדגול ארויסגעברעגט חפצו וברצונו הטוב, אַז דער בנין זאָל באַקרוינט ווערן מיט׳ן רעספּעקטירטער נאָמען פון זיין טייערן טאַטן, *דער לעגאַנדאַרער משב״ק בית סאטמאר, החסיד הנערץ דעת ותבונה סובבים הודו, רבי משה משב״ק שליט״א* וואָס גלאָריפיצירט ווערן בכבוד ובתפארת, ולזכות אמו החשובה הצנוה״ח שתחי׳, וישמח מש״ה במתנת חלקו, בכבוד הראוי כערכו!

אזוי אויך וועט דער זכות זיין לכבוד ולתפארת פון זיין חשוב׳ער שווער, הרבני הנגיד הנכבד מוה״ר *אברהם משה ווערצבערגער* הי״ו מפּארי נכבדי ק״ק סאטמאר ומנשים באהל תבורך אשת חיל עטרת בעלה שתחי׳, וואָס שעפּן נחת דקדושה פון דעם גאָלדענעם שריט.

*כ״ק מרן רבינו שליט״א האט אונטערגעשריבן דעם שטר זכות בגושפּנקא דמלכא*, און געוואונטשן דעם נדיב הדגול, אַז די אלע זכותים זאלן אים באגלייטן מיט נחת והרחבה עד עולם, השי״ת ישלם לו משכורתו בכפליים אלף פעמים ככה!

*סאטמאר האט נישט קיין ווערטער! אנ״ש קענען דאס נישט גענוג מכיר טובה זיין! הורי סאטמאר בארא פּארק זענען דורכגענומען פון התרגשות!*

אלעס שרייט אויס: אשריך! אשריך! אשריך! הוד והדר פעליך! ולעד ולנצח יעמוד צדקתך!*

*אַל תַּחְשֹׂכִי הַאֲרִיכִי מֵיתָרַיִךְ וִיתֵדֹתַיִךְ חַזֵּקִי!!! סאַטמאַר באָראָ פּאַרק הולך וגדול עד כי גדול מאוד!*