הויפט רב פון ארגענטינע פארלאנגט צו טוישן די דאטום פון די וואלן צוליב שמחת תורה
גאלערי
ארגענטינע הויפט רב בעט אפצושטיפן די 2027 נאציאנאלע וואלן צוליב שמחת תורה
דער הויפט רב פון ארגענטינע, הרב אליהו חמרא, האט אפיציעל פארלאנגט אז מען זאל טוישן דעם סקעדזשועל פאר די 2027 נאציאנאלע וואלן אינעם לאנד, וויבאלד דער געפלאנטער טאג פאר די וואלן געפאלט פונקט אויס אום יום טוב שמחת תורה.
די עלעקשאנס זענען באשטימט געווארן אויף זונטאג, דעם 24'סטן אקטאבער 2027, א צייט ווען שומרי תורה ומצות וועלן פראווען דעם יום טוב און וועלן דעריבער נישט קענען ארויסגיין שטימען.
הרב חמרא, וועלכער דינט אויך אלס רב פון די AMIA אידישע קהילה אין בוענאס איירעס, האט אריינגעגעבן אן אפיציעלע אפיל צום ארגענטינער פרעזידענט כאוויער מילעי און צו אנדערע רעגירונג באאמטע. אין זיין פארלאנג בעט ער אז מען זאל רוקן די וואלן אויף א דאטום נאך יום טוב.
דער פארלאנג קומט מיט'ן ציל צו פארזיכערן אז די אידן אין ארגענטינע זאלן קענען אפהיטן דעם יום טוב כהלכתו, אן דעם וואס עס זאל זיך קראכן מיט די נאציאנאלע וואלן סקעדזשועל און זיי צונעמען די מעגליכקייט צו אנטיילנעמען אין די וואלן.