רבי משה לייב רוטנער שליט"א  פארציילט ווייטער: 

 צוויי יאר דינען דעם רבוש"ע אנשטאט זיצן אין תפיסה 

איך בין געווען ביים רבין ווען א איד אריינגעקומען זיך מזכיר זיין ביים רבין פאר א ישועה, ער האט געפעלטשט זייגערס ער פלעגט נעמען זיינע זייגערס און ארויפגעלייגן די נעמען פון גרויסע קאמפעניס און מען האט אים געפאקט, און ער האט אדער געדארפט באצאלן די ווערט פון די אלע גניבות אדער גיין אין תפיסה ער האט געזאגט פארן רבין אז עס איז בלבול ער האט דאס נישט געטוהן ער האט פשוט נאכגעמאכט זייערע זייגערס אבער נישט ארויפגעלייגט זייער זיגל אויף זיינע זייגערס,
רופט זיך די רבי אהן די באשעפער זאל העלפן די אמת זאל ארויסקומען, האט דער איד אויסגעשריגן "חלילה חלילה" דער רבי האט זיך זייער צעשמייכלט און געקוקט צו מיר און איך האב גוט געלאכט, יענער האט טאקע מודה געווען נאכדעם אז ער האט געפעלטשט, אבער רבי איך וויל נישט גיין אין תפיסה אין האב עס נאר געטוהן ווייל איך  פלאג זיך זייער צו מפרנס זיין מיין משפחה, 
דינא דמלכותה דינא! און די אלע זאכן וואס דו זאגסט איז נישט קיין היתר דער גנב גנב'ט אויך אסך מאל ווייל ער האט נישט קיין געלט עס שטייט אין די תורה לא תגנוב אויף אלע אופנים, זיי זענען גערעכט אויב זיי וועלן אייך אריינזעצן אין תפיסה .
זאגט יענער אבער וואס זענען מיינע קינדער שילדיג? זאגט די רבי הער מיך צו איך קען פורבירן צו בעטן דעם רבוש"ע ער זאל דיר העלפן אבער מיט איין תנאי אויב דו וועסט אויסניצן די צייט פארן רבוש"ע אנשטאט זיצן אין תפיסה זאלסטו יעצט אפלאזן די ביזנעס פאר צוויי יאר און זיצן און לערנען און דאווענען בכוונה, אמתדיג קומט זיך דיר סך מער תפיסה כאטשיג זאלסטו זיצן און דינען דעם רבוש"ע וועט די באשעפער העלפן אז דו וועסט פטור ווערן פון זיצן אין תפיסה. 

זי"ע