סעקיוריטי דורכפאל אויפגעדעקט: א פארדעכטיגטער קא-פילאט האט שיעור אריינגעקראכט א פליגער אין מדינת ישראל
גאלערי
ווידעאס
בס"ד
שוידערליכע אנטפלעקונג: קא-פיילאט אויף פלייט קיין ארץ ישראל האט פרובירט צו פארכאפן דעם פליגער מיט א האק אינמיטן די לופטן
מדינת ישראל האט בכלל נישט געוואוסט אז דער קא-פיילאט וואס האט געפירט די 'פליי-דובאי' פלייט FZ1073 איז שוין אמאל געווארן אפגעזאגט פון פליען דורך זיין פריערדיגע ארבעטסגעבער, 'אמאן עיר', צוליב חששות אז ער איז געווארן ראדיקאליזירט.
די דאזיגע שרעקליכע איגנאראנץ האט זיך כמעט געענדיגט מיט א קאטאסטראפע דעם פארגאנגענעם סעפטעמבער 30, ווען דער אמאנער קא-פיילאט, כאמאם אל-כאמאמי, האט אינמיטן די פלייט אטאקירט דעם הויפט קעפטן, סמיט מאטשאר, מיט די עמערדזשענסי האק פונעם פליגער און פרובירט איבערצונעמען קאנטראל אויפ'ן פליגער.
די פלייט, וואס האט געטראגן אויף זיך מער ווי 170 פאסאזשירן פון דובאי קיין תל אביב, איז בלויז געראטעוועט געווארן א דאנק די שנעלע רעאקציע פון די מאנשאפט מיטגלידער און פאסאזשירן וועלכע האבן זיך געראנגלט מיט אל-כאמאמי און אים אוועקגעריסן פון די קאנטראלס. דאס האט געגעבן די מעגליכקייט פאר'ן פליגער צו מאכן אן עמערדזשענסי לאנדונג אין סאודי אראביע. סיי דער קעפטן און סיי דער קא-פיילאט זענען אריינגעפירט געווארן אין שפיטאל נאכן געראנגל, און די יונייטעד אראב עמירעיטס (UAE) אויספארשער האבן זינט דאן באשטעטיגט אז דער אינצידענט איז געווען א געפלאנטע טעראר אטאקע.
דער פאל האט ארויסגעברענגט א ריזיגע לאך אין די אינטערנאציאנאלע אוויאציע זיכערהייט. ווי עס שטעלט זיך ארויס, איז אל-כאמאמי נאך אין יאר 2024 ארויסגעווארפן געווארן פון טרענירונגען ביי 'אמאן עיר' נאכדעם וואס באאמטע דארט האבן געפונען ביי אים עקסטרעמיסטישע מאטעריאלן. אבער קיין שום רעקארד פון זיין היסטאריע איז נישט מיטגעגאנגען מיט אים ווען 'פליי-דובאי' האט אים שפעטער אויפגענומען. ער האט אויך געארבעט א קורצע צייט ביי מאראקא'ס 'ראיעל עיר מאראק' בעפאר ער איז אנגעקומען צו 'פליי-דובאי', און באריכטן געבן אן אז זיין ראדיקאליזאציע איז געווארן פיל ערגער דורכאויס די צייט וואס ער האט פארברענגט אין סיריע.
אויספארשער זאגן אז עס עקזיסטירט דערווייל נישט קיין שום גלאבאלע סיסטעם וואס זאל אלארמירן איבער פיילאטן וואס זענען אפגעזאגט געווארן פון פליען צוליב עקסטרעמיזם. דאס מיינט אז א רויטע לעמפל וואס צינדט זיך אן אין איין לאנד קען פשוט פארשווינדן ווערן איינמאל דער פיילאט גייט אריבער א גרעניץ און זוכט ארבעט ערגעץ אנדערש.
בעת די אויספארשונג גייט נאך אן, האט דער אינצידענט אויפגעברענגט דרינגענדע פראגעס איבער די גאנצע אוויאציע אינדוסטריע: ווי אזוי קען זיין אז א מענטש וואס איז שוין אמאל באצייכנט געווארן אלס צו געפארפול צו פליען, זאל זיך צוריק טרעפן אין א קאקפיט, און נאך דערצו אויף א רוטע קיין ארץ ישראל?
שוידערליכע אנטפלעקונג: קא-פיילאט אויף פלייט קיין ארץ ישראל האט פרובירט צו פארכאפן דעם פליגער מיט א האק אינמיטן די לופטן
מדינת ישראל האט בכלל נישט געוואוסט אז דער קא-פיילאט וואס האט געפירט די 'פליי-דובאי' פלייט FZ1073 איז שוין אמאל געווארן אפגעזאגט פון פליען דורך זיין פריערדיגע ארבעטסגעבער, 'אמאן עיר', צוליב חששות אז ער איז געווארן ראדיקאליזירט.
די דאזיגע שרעקליכע איגנאראנץ האט זיך כמעט געענדיגט מיט א קאטאסטראפע דעם פארגאנגענעם סעפטעמבער 30, ווען דער אמאנער קא-פיילאט, כאמאם אל-כאמאמי, האט אינמיטן די פלייט אטאקירט דעם הויפט קעפטן, סמיט מאטשאר, מיט די עמערדזשענסי האק פונעם פליגער און פרובירט איבערצונעמען קאנטראל אויפ'ן פליגער.
די פלייט, וואס האט געטראגן אויף זיך מער ווי 170 פאסאזשירן פון דובאי קיין תל אביב, איז בלויז געראטעוועט געווארן א דאנק די שנעלע רעאקציע פון די מאנשאפט מיטגלידער און פאסאזשירן וועלכע האבן זיך געראנגלט מיט אל-כאמאמי און אים אוועקגעריסן פון די קאנטראלס. דאס האט געגעבן די מעגליכקייט פאר'ן פליגער צו מאכן אן עמערדזשענסי לאנדונג אין סאודי אראביע. סיי דער קעפטן און סיי דער קא-פיילאט זענען אריינגעפירט געווארן אין שפיטאל נאכן געראנגל, און די יונייטעד אראב עמירעיטס (UAE) אויספארשער האבן זינט דאן באשטעטיגט אז דער אינצידענט איז געווען א געפלאנטע טעראר אטאקע.
דער פאל האט ארויסגעברענגט א ריזיגע לאך אין די אינטערנאציאנאלע אוויאציע זיכערהייט. ווי עס שטעלט זיך ארויס, איז אל-כאמאמי נאך אין יאר 2024 ארויסגעווארפן געווארן פון טרענירונגען ביי 'אמאן עיר' נאכדעם וואס באאמטע דארט האבן געפונען ביי אים עקסטרעמיסטישע מאטעריאלן. אבער קיין שום רעקארד פון זיין היסטאריע איז נישט מיטגעגאנגען מיט אים ווען 'פליי-דובאי' האט אים שפעטער אויפגענומען. ער האט אויך געארבעט א קורצע צייט ביי מאראקא'ס 'ראיעל עיר מאראק' בעפאר ער איז אנגעקומען צו 'פליי-דובאי', און באריכטן געבן אן אז זיין ראדיקאליזאציע איז געווארן פיל ערגער דורכאויס די צייט וואס ער האט פארברענגט אין סיריע.
אויספארשער זאגן אז עס עקזיסטירט דערווייל נישט קיין שום גלאבאלע סיסטעם וואס זאל אלארמירן איבער פיילאטן וואס זענען אפגעזאגט געווארן פון פליען צוליב עקסטרעמיזם. דאס מיינט אז א רויטע לעמפל וואס צינדט זיך אן אין איין לאנד קען פשוט פארשווינדן ווערן איינמאל דער פיילאט גייט אריבער א גרעניץ און זוכט ארבעט ערגעץ אנדערש.
בעת די אויספארשונג גייט נאך אן, האט דער אינצידענט אויפגעברענגט דרינגענדע פראגעס איבער די גאנצע אוויאציע אינדוסטריע: ווי אזוי קען זיין אז א מענטש וואס איז שוין אמאל באצייכנט געווארן אלס צו געפארפול צו פליען, זאל זיך צוריק טרעפן אין א קאקפיט, און נאך דערצו אויף א רוטע קיין ארץ ישראל?