צדיק כתמר יפרח:

התרגשות'דיגער באַזוך פון כ"ק אדמו"ר מסאטמאר שליט"א ביים נייעם 'פּראָספּעקט דעוועלאָפּמענט' אין בלומינג גראָוו

קענטיגע הנאה וקורת רוח זעענדיג פריחת העיר רבתי עיר הקודש קרית יואל

דערהויבענע באזוך אויפן שטח הענקי אין באגלייטונג פון הגה"צ אבד"ק סיגוט שליט"א העומד ליד ימין אביו הגדול למען עתיד והצלחת העיר, וראשי ק"ק קרית יואל מו"ה יוסף יוזפא לאנדא הי"ו ושותפו מו"ה לוי יצחק שווארץ הי"ו וראשי המוסדות הרה"ח רבי משה אלי עסטרייכער הי"ו מנכ"ל, און הר"ר אייזיק וואלטער הי"ו יו"ר להקים.

עוֹד יִשָּׁמַע בְּעָרֵי יְהוּדָה:

כ"ק אדמו"ר שליט"א ערהאלט דעטאלירטע באריכט פון די העלדישע ראשי עירינו מו"ה יואל שטערן הי"ו ואתו עמו מו"ה יצחק עקשטיין הי"ו איבער די עבר הוה ועתיד פונעם בליענדן סאטמארן ישוב

כ"ק אדמו"ר שליט"א בצהלת פנים גרייכנדיג קאנקורעטע לעזונג צו לינדערן אומגעהויערן דירות מאנגעל ביים יהדות החרדית, צו ברענגן א פלייץ פון צענדליגער טויזענטער דירות פאר צוגענגליכע פרייזן כפי רצון ופקודת קדשו אין הייליגן שטאט קרית יואל לעשות נחת רוח פארן מייסד העיר מרן רביה"ק זי"ע וואס די שטאט איז נקראת על שמו

בונה העיר הרה"ח ר' חיים הערש ליימזידער הי"ו האט בהתרגשות אויפגעברענגט היסטארישע לעכטיגע זכרונות בקורות ימי קרית יואל ווען בהילו נירו על ראשינו האט ער געהאט די זכי' צו שטיין ווי א גענעראל אויסצופירן משאת נפשו הטהורה פון מרן רביה"ק זי"ע צו בויען קרית יואל און האט אויפגעוויקלט מען איז מען איבערגעקומען אלע מניעות פון די ארומיגע שכנים און שטערונגען פון די טאון באאמטע בברכת הצדיק בימי בראשית העיר וואס מען איז אצינד ממשיך צו זען די וואונדערליכע פריחת העיר תחת דגלו והדרכתו פון ממשיך דרכו בקודש כ"ק מרן אדמו"ר שליט"א בראשות בנו הגדול איש על העדה הגאון הצדיק אבד"ק ור"מ שליט"א עד ביאת הגואל.