גאר א היסטארישע זיצונג איז נעכטן פארגעקומען אין שטאט מאנהעטן, ווען אין גאר א זעלטענע פאל איז כ"ק אדמו"ר מבאבוב שליט"א ארויס מגדרו און זיך משתתף געווען ביי א טיי אווענט אויפצוטרייבן ריזיגע געלטער לטובת די וואוילטעטיגע 'טעג' ארגענעזאציע.

דער באבובער רב איז פארבעטן געווארן זיך משתתף צו זיין ביים מסיבה אויפ'ן פערזענליכע בקשה פון די רבני טעג, ובראשם הגאון הגדול ר' מלכיאל קוטלר ר"י בית מדרש גבוה, האדמו"ר מסקולען לעיקוואד, און האדמו"ר מנאווימינסק. עס איז געלאדענט געווארן א געקליבענע צאל נדיבים בעם, צווישן זיי משפחת גארנפינקל און זיסקינד, ר' ראובן וואלף און נאך.

האדמו"ר מבאבוב שליט"א האט אויפגעטראטן מיט א נפלא'דיגע שיחות קודש פאר קרוב צו א האלבע שעה און אנגעווארעמט די באטייליגטע מחזק צו זיין די בארימטע מפעל טעג וואס שטייט בראש המערכה קעגן די פגעי טעכנילוגיע, און די זכי' צו אונטערהאלטן אזא הייליגען מוסד.

די אווענט איז געשלאסן געווארן מיט אן אויסטערלישע הצלחה ווען אויפ'ן פלאץ איז געשאפן געווארן קרוב צו 2 מיליאן דולר.

ארטיקל קרעדיט זעמיל