בס"ד

וויכטיגע רייזע-מעלדונג פון אסעמבלימאן אבי שנייאל פאר תושבים וועלכע זענען נישט קיין אמעריקאנער בירגער

דער ניו זשערסי אסעמבלימאן ר' אבי שנייאל האט דאנערשטאג ארויסגעגעבן א וויכטיגע רוף און מעלדונג, געצילט ספעציעל פאר לאקאלע איינוואוינער וועלכע זענען נישט קיין אמעריקאנער בירגער (סיטיזענס) און גרייטן זיך צו פארן אויף א רייזע.

אין א ווידעא מעלדונג וואס איז פארשפרייט געווארן פאר די קאמיוניטי, האט שנייאל זיך דירעקט געוואנדן צו די תושבים אין די געגנט וואס האבן נישט קיין סיטיזענשיפ און האבן רייזע פלענער אין די נאענטע צוקונפט. ער האט שטארק געבעטן אז די וועמען עס איז נוגע זאלן נעמען אין אכט זיין מעלדונג בעפאר זיי פארלאזן דאס לאנד.

די מעלדונג קומט אין א צייט ווען עס איז א פארנומענע סעזאן פון רייזעס פאר פילע היימישע משפחות, וועלכע מאכן יעצט זייערע פלענער און גרייטן זיך ארויסצופארן לקראת די קומענדיגע ימים טובים.

אסעמבלימאן שנייאל, וועמענס דיסטריקט נעמט אריין א גרויסן טייל פון די לעיקוואודער קאמיוניטי, טוט כסדר אדרעסירן און ארויסהעלפן מיט וויכטיגע אישוס וואס זענען נוגע די לאקאלע תושבים און משפחות.