אין טאג פונעם הייליגן ריזישנער׳ס יארצייט פלעגט די רבי אנטוהן א קאלפיק און געמאכט א גרויסע סעודה 

איין יאר איז אויסגעפאלן די יארצייט אין שבת און יענעם שבת איז די רבי ספעציעל געקומען צו א ברית אין וויליאמסבורג 

די רבי איז איינגעשטאנען ביי ר׳ נטע קויפמאן ז״ל אין שטוב, עס איז קיינעם נישט איינגעפאלן אז ס׳איז די יארצייט פון דעם הייליגן ריזשינער זי״ע 

איך בין דארט געווען, מען האט געדאווענט פרי ווייל די בעל שמחה האט זיך אויסגענומען אז די ברית וועט זיין באצייטנס 

די רבי איז נישט געשלאפן א גאנצע נאכט נאר געזאגט תהלים ביפארן דאווענען אזוי ווי זיין סדר אין אייביג געווען. 

די רבי האט אנגעגערייט די מוהל מעסער מיט אלע אנדערע זאכן פארן ברית אליינס, די זיידעס זענען געקומען און דעמאלטס האט די רבי געפרעגט דעם אבי הנימול צו ער ווייסט אז היינט איז די יארצייט פונעם הייליגן ריזשינער זי״ע האט דער אינגערמאן געענפערט ניין איך האב נישט געוויסט, האט די רבי געפרעגט איר ווייסט ווער דער הייליגער ריזשינער איז געווען ? יא אוודאי ווייס איך האט דער אינגערמאן געענפערט , און דו ווייסט אז געבן א נאמען פון א צדיק אין זיין יארצייט איז א גרויסע זאך ? יא האט דער אינגערמאן געענפערט אבער מען האט שוין אפגעמאכט צו געבן נאך א זיידע, האט די רבי געזאגט ״אנטשולדיגט״ איך בין טאקע אריינגעקומען קיין וויליאמסבורג צו מאכן דעם ברית אבער איך קען נישט מאכן א ברית אין טאג פון יארצייט פון הייליגן ריזשינער, און נישט געבן זיין נאמען, 

די רבי האט אראפגעלייגט די מוהל מעסער און געזאגט ס׳קען זיין אז איך האב עובר געווען אויף אן איסור מוקצה ווייל א מוהל מעסער איז מוקצה אבער אויף דעם וועט מיר די הייליגע ריזשינער דארפן פארענטפערן, אבער איר קענט רופן אן אנדערע מוהל צו מאכן דעם ברית, 

עס איז געווארן א גאנצע טומל, די באבעס און זיידעס זענען אריין אין א צומער צו שמועסן וואס מען זאל טוהן, זיי זענען ארויסגעקומען און געזאגט אז זיי וועלן צולייגן דעם נאמען פונעם הייליגן ריזשינער אבער קודם די זיידעס נאמען און נאכדעם די נאמען פונעם הייליגן  ריזשינער זי״ע , 

האט די רבי זיך אנגערופן אז מען גיבט די נאמען פונעם הייליגן ריזשינער קען מען שוין מאכן דעם ברית, אבער אויך נאר בדיעבד, דער רבי האט געמאכט דעם ברית און ביים געבן די נאמען האט זיך די רבי אביסל צעוויינט, 

ביי שלש סעודת האט דער רבי דערציילט פאר יעדן: איר האט געהערט וואס עס איז היינט געשען? עס האט געדארפט אראפקומען א גרויסע נשמה, און איך האב געדארפט זיין דער שליח דער מוהל. די נשמה האט געדארפט זיין א ניצוץ פונעם הייליגן ריזשינער- א גרויסע נשמה- אבער די מענטשן האבן נישט געוואלט געבן דעם נאמען נאכן הייליגן ריזשינער, האב איך  נישט געוואלט זיין דער מוהל צום סוף האט מען צוגעלייגט דעם הייליגן ריזשינער׳ס נאמען, האב איך שוין געמוזט מאכן דעם ברית, ווען דאס קינד וואלט נאר געהייסן ישראל וואלט דאס געווען גאר א געהויבן קינד, וואס זאל איך טוהן אז די באשעפער נעמט צו די דעת פונעם מענטש. ווען איך וואלט געהאט דעם הייליגן ריזשינער׳ס מוהל מעסער וואלט איך די נשמה געקענט ארויפברענגן גאר הויעך אויף דער וועלט וואס וואלט גורם געווען גאר גרויסע זאכן אויף די וועלט