פראנקרייך אין פלאמען: ראיאט פאליציי ציען זיך צוריק נאך וואס פראטעסטן ווערן געוואלדטאטיג
גאלערי
ווידעאס
בס"ד
כאאס אין פראנקרייך: מאסן פראטעסטן אין מארסיי פארוואנדלען זיך אין שווערע ראיאטן און געוואלדטאטן
שווערע רויך האט איבערגעדעקט די גאסן פון מארסיי, פראנקרייך, מוצאי שבת, נאכדעם וואס א ריזיגע פראטעסט האט זיך געענדיגט מיט שווערע צוזאמענשטויסן. דער מארש, וואס איז אנגעפירט געווארן דורך לאקאלע יוניאנס, איז געקומען אלס רעזולטאט פון די גרויסע אויפברויז איבער די הויכע פרייזן, די שווערע 'קאסט אוו ליווינג', און די שוואכע צושטאנדן אין די שולעס.
לויט די פאליציי האבן זיך באטייליגט ארום 17,000 מענטשן אינעם פראטעסט, אבער די יוניאן זאגט אז דער נומער איז געווען פיל העכער, שאצנדיג דעם עולם אויף נענטער צו 100,000. דורכאויס דעם טאג איז דער פארזאמלונג אריבער רואיג און פרידליך, אבער ווי נאר עס איז טונקל געווארן האט זיך דאס בילד דראסטיש געטוישט.
ווידיאוס וואס צירקולירן אויף די סאציאלע נעצן צייגן ווי חפצים ברענען אויף די גאסן און מענטשן לויפן ארום אין כאאס. יוגנטליכע האבן אנגעהויבן ווארפן שטיינער, פלעשער און פייערוואורקס אויף די פאליציי אפיצירן, וועלכע האבן רעאגירט מיט טרערן גאז. לויט געוויסע באריכטן האבן די 'ראיאטן פאליציי' זיך אפילו געמוזט צוריקציען צוליב די שווערע אטאקעס, כאטש אפיציעלע קוועלעס האבן דאס נאכנישט באשטעטיגט, אבער די כאאס אויפן ארט איז געווען שרעקליך.
די ראיאטירער האבן אונטערגעצינדן מיסט קאסטנס און אנגעהויבן ראבעווען געשעפטן. די פאליציי זאגט אז צוויי צירונגען געשעפטן זענען אויסגעראבעוועט געווארן דורך די כאליגאנעס. צענדליגע זענען ארעסטירט געווארן אין די מארסיי געגנט.
ענליכע אומרוען האבן אויך אויסגעבראכן אין פאריז, ליאן און אנדערע פראנצויזישע שטעט, טראץ א מאסיווע זיכערהייט אפעראציע וואס האט אריינגערעכנט געפאנצערטע טראקס, קורפיוס און א שטרענגע פארבאט אויף פראטעסטן.
די גרויסע פראגע וואס פילע פרעגן יעצט איז, וויאזוי א פרידליכע פראטעסט האט זיך אזוי שנעל פארוואנדלט אין א גאסן-קריג, און צי די שווערע פאליצייאישע אנוועזנהייט האט נאר צוגעגעבן אויל צום פייער. מען קוקט יעצט ארויס מיט שפאנונג צו זען וואס עס וועט זיך אויסקאכן אין די קומענדיגע טעג ווען פרישע פראטעסטן זענען ערווארטעט.
כאאס אין פראנקרייך: מאסן פראטעסטן אין מארסיי פארוואנדלען זיך אין שווערע ראיאטן און געוואלדטאטן
שווערע רויך האט איבערגעדעקט די גאסן פון מארסיי, פראנקרייך, מוצאי שבת, נאכדעם וואס א ריזיגע פראטעסט האט זיך געענדיגט מיט שווערע צוזאמענשטויסן. דער מארש, וואס איז אנגעפירט געווארן דורך לאקאלע יוניאנס, איז געקומען אלס רעזולטאט פון די גרויסע אויפברויז איבער די הויכע פרייזן, די שווערע 'קאסט אוו ליווינג', און די שוואכע צושטאנדן אין די שולעס.
לויט די פאליציי האבן זיך באטייליגט ארום 17,000 מענטשן אינעם פראטעסט, אבער די יוניאן זאגט אז דער נומער איז געווען פיל העכער, שאצנדיג דעם עולם אויף נענטער צו 100,000. דורכאויס דעם טאג איז דער פארזאמלונג אריבער רואיג און פרידליך, אבער ווי נאר עס איז טונקל געווארן האט זיך דאס בילד דראסטיש געטוישט.
ווידיאוס וואס צירקולירן אויף די סאציאלע נעצן צייגן ווי חפצים ברענען אויף די גאסן און מענטשן לויפן ארום אין כאאס. יוגנטליכע האבן אנגעהויבן ווארפן שטיינער, פלעשער און פייערוואורקס אויף די פאליציי אפיצירן, וועלכע האבן רעאגירט מיט טרערן גאז. לויט געוויסע באריכטן האבן די 'ראיאטן פאליציי' זיך אפילו געמוזט צוריקציען צוליב די שווערע אטאקעס, כאטש אפיציעלע קוועלעס האבן דאס נאכנישט באשטעטיגט, אבער די כאאס אויפן ארט איז געווען שרעקליך.
די ראיאטירער האבן אונטערגעצינדן מיסט קאסטנס און אנגעהויבן ראבעווען געשעפטן. די פאליציי זאגט אז צוויי צירונגען געשעפטן זענען אויסגעראבעוועט געווארן דורך די כאליגאנעס. צענדליגע זענען ארעסטירט געווארן אין די מארסיי געגנט.
ענליכע אומרוען האבן אויך אויסגעבראכן אין פאריז, ליאן און אנדערע פראנצויזישע שטעט, טראץ א מאסיווע זיכערהייט אפעראציע וואס האט אריינגערעכנט געפאנצערטע טראקס, קורפיוס און א שטרענגע פארבאט אויף פראטעסטן.
די גרויסע פראגע וואס פילע פרעגן יעצט איז, וויאזוי א פרידליכע פראטעסט האט זיך אזוי שנעל פארוואנדלט אין א גאסן-קריג, און צי די שווערע פאליצייאישע אנוועזנהייט האט נאר צוגעגעבן אויל צום פייער. מען קוקט יעצט ארויס מיט שפאנונג צו זען וואס עס וועט זיך אויסקאכן אין די קומענדיגע טעג ווען פרישע פראטעסטן זענען ערווארטעט.